Phone: +977 - 9841338823
Email: himaldainik17@gmail.com
Connect with us:

नेपालको आर्थिक वृद्धि तीन वर्षमै दोहोरो अंकनजिक

नेपालको आर्थिक वृद्धि तीन वर्षमै दोहोरो अंकनजिक

सरकारले आउँदो तीन वर्षमा दुई अंक नजिकको आर्थिक वृद्धि हासिल गर्नसकिने प्रक्षेपण गरेको छ।

चालू आर्थिक वर्षका लागि ८ प्रतिशत आर्थिक वृद्धिको लक्ष्य लिएको सरकारले तीन वर्षमा मुलुकको आर्थिक वृद्धि ९.५ प्रतिशत पुग्ने बताएको हो।

संघीय संसदको अर्थ समिति बैठकमा राष्ट्रिय योजना आयोगका सचिव लक्ष्मण अर्यालले आगामी आर्थिक वर्ष (२०७६–७७) मा आर्थिक वृद्धि ९.१ प्रतिशत रहने र त्यसपछिको वर्ष दुई अंक नजिक अर्थात ९.५ प्रतिशत हासिल हुने बताए। यो खबर आजको कारोबार दैनिकमा निरु अर्यालले लेखेकी छन्।

“३ वर्षमा कृषि क्षेत्रको ६.६ र गैरकृषिको १०.७ प्रतिशतले विस्तार हुने अनुमान गरिएको छ,” उनले भने, “सो अवधिमा गैरकृषिमध्ये उद्योगको १४.९ र सेवा क्षेत्र ९.४ प्रतिशतले विस्तार हुने हाम्रो अनुमान छ । यसैका आधारमा आर्थिक वृद्धि ९.५ प्रतिशत पुग्ने प्रक्षेपण गरेका हौं।”

आर्थिक वर्ष २०७६–७७ मा कृषि क्षेत्रको वृद्धि ५.१ प्रतिशत र गैरकृषि क्षेत्रको १०.४ प्रतिशत हुने अनुमान सरकारको छ । गैरकृषिमध्ये उद्योगको १६.१ र सेवाको ८.८ प्रतिशतले विस्तार हुने आयोगले जनाएको छ।

चालू आर्थिक वर्षमा कृषिको ४.८ र गैरकृषिको ८.९ प्रतिशतको लक्ष्य राखिएको छ । जसमा उद्योगको १२.२ र सेवातर्फ ७.९ प्रतिशतले विस्तार हुने अनुमान गरिएको छ । यस अवधिमा मुद्रास्फीति दर ६.५ प्रतिशतमा सीमित रहने र गरिबीको रेखामुनी रहेको जनसंख्या १३ प्रतिशतमा झार्ने सरकारको लक्ष्य लिइएको छ।

चालू आर्थिक वर्षमा सरकारले गरिबीको रेखालाई १७ प्रतिशतमा झार्ने सरकारको लक्ष्य छ । सरकारले लिएको दिगो आर्थिक विकासको लक्ष्य हासिल गर्न सार्वजनिक र निजी क्षेत्रबाट गरी वार्षिक १८ सय अर्ब रूपैयाँ लगानी गर्नुपर्ने लक्ष्यसहितको खाका तयार गर्दैछ।

सचिव अर्यालले दिगो विकासको लक्ष्यको आवश्यकताको आकलन, लागत अनुमान र वित्तीय रणनीति तयार गरी त्यसका आधारमा लगानीको खाका तयार गरिने जानकारी दिए । “मध्यमकालीन खर्च संरचना समयमै तयार गरी राष्ट्रियसभा र प्रतिनिधिसभामा पेश गर्ने छौं,” उनले भने।

अर्यालका अनुसार १५ औ योजनाको आधारपत्र पुस मसान्तसम्म, दिगो विकासको लक्ष्य २०३० को आवश्यकता आकलन र लागतको खाका मंसिर ३० सम्म, तथा स्थानीय प्रदेश तथा संघीय तहका विभिन्न सरोकारवालासँग अन्तरक्रिया माघ १५सम्म गरिसक्ने आयोगको तयारी छ।

11/09/2018, 05: 05: 26 मा प्रकाशित
92 पटक पढीएको

राजनीति

निर्धारित मितिमै हुन्छ वा हुन्न भन्ने अन्यौलतालाई चिर्दै प्रमुख प्रतिपक्षी दल नेपाली कांग्रेसलाई महासमिति बैठकको चटारोले झपक्कै छोपेको छ। आजदेखि काठमाडौंमा हुने भनिएको महासमिति बैठकमा सहभागी हुन देशभरीबाट आएका महासमिति सदस्यहरुको भिडले पार्टी मुख्यालय सानेपा भरिभराउ थियो। गत निर्वाचनमा देशभरी पराजयको पिडाले विच्छिप्त भएका कांग्रेस नेता कार्यकर्ता पार्टी कार्यालयमा पुगेर देशभरीका नेता कार्यकर्तासँग एकआपसमा भेटघाट […]

बिचार

विधान मस्यौदा समितिले दुई वटा विषयमा राम्रो प्रस्ताव ल्याएको छ। पहिलो, यसले पार्टीका विभागको व्यवस्थापनसँगै अनुसन्धानमुखी बनाएर उनीहरूका गतिविधिहरूलाई पार्टीको नीति निर्माण प्रक्रियामा जोड्ने काम भएको छ। दोस्रो, पार्टीको संरचनालाई तल्लो तहसम्म विस्तार गर्न टोल समितिको अवधारणा अघि सारिएको छ। अबको कांग्रेसको संगठन विस्तारको केन्द्र टोल/टोल र माध्यमिक विद्यालय तथा कलेजलाई नै बनाउनुपर्छ। मुलुकमा जारी […]

प्रवास

भारतको पाँच राज्यमा भएको विधान सभा निर्वाचनमा प्रधानमन्त्री नरेन्द्र मोदी र उनको दल भारतीय जनता पार्टी (भाजपा)ले अनपेक्षित पराजय व्यहोर्नु पर्ने भएको छ। हिन्दी हार्टल्याण्डको रुपमा परिचित मध्यप्रदेश, राजस्थान, छत्तिसगढ, तेलंगना र मिजोराममा गतसाता सम्पन्न विधान सभा निर्वाचनको प्रारम्भिक मतगणनामा प्रधानमन्त्री मोदीको पार्टी र त्यसको नेतृत्वमा रहेको महागठबन्धन पराजित हुने लगभग पक्का भएको छ। सन […]

अन्तर्वार्ता

वर्तमान सरकार र यसको नेतृत्वले आजदेखि ‘नयाँ युगको शुभारम्भ’ को नारा दिएर सामाजिक सुरक्षा कार्यक्रमको ब्यापक प्रचारवाजी गरेको छ। तर, सामाजिक सुरक्षा कोषको स्थापनाका लागि पहिलो संविधानसभा निर्वाचन लगत्तै बनेको तत्कालिन नेपाल कम्युनिष्ट पार्टी माओवादीका नेता बाबुराम भट्टराईको सबैभन्दा ठूलो योगदान छ। उनी अर्थमन्त्री भएकै बेला योगदानमा आधारित सामाजिक सुरक्षा कोषको अवधारणा सुरू गरेलगत्तै उक्त […]

सविता खत्रीको उमेर १२ वर्ष मात्र भयो। उनी खलंगाको त्रिभुवन माविमा कक्षा ६ पढ्दै थिइन्। तिनै सविताले बिहे गरेको खबर सुनेर उनका शिक्षक र साथीहरू अचम्मित भए। तर जाजरकोटमा बालविवाह विरलै हुने घटना होइन। यस जिल्लामा ७४ प्रतिशतले उमेर नपुग्दै घरजम गर्छन्। जसले गर्दा पढाइ छोड्ने र सम्बन्धविच्छेद गर्नेको संख्या बढिरहेको छ। आजको अन्नपूर्ण पोष्टमा […]

लोकप्रिय

निर्धारित मितिमै हुन्छ वा हुन्न भन्ने अन्यौलतालाई चिर्दै प्रमुख प्रतिपक्षी दल नेपाली कांग्रेसलाई महासमिति बैठकको चटारोले झपक्कै छोपेको छ। आजदेखि काठमाडौंमा हुने भनिएको महासमिति बैठकमा सहभागी हुन देशभरीबाट आएका महासमिति सदस्यहरुको भिडले पार्टी मुख्यालय सानेपा भरिभराउ थियो। गत निर्वाचनमा देशभरी पराजयको पिडाले विच्छिप्त भएका कांग्रेस नेता कार्यकर्ता पार्टी कार्यालयमा पुगेर देशभरीका नेता कार्यकर्तासँग एकआपसमा भेटघाट […]