वरुण धवनकी प्रेमिकालाई मार्ने धम्की !!

Share on facebook
Share on google
Share on twitter
Share on linkedin
Share on whatsapp
मुम्बइ, चैत २४

बलिउड सुपर स्टारको जिन्दगी बाहिरबाट हेर्दा जति सुख, खुसी र सजिलो देखिन्छ त्यति सजिलो नभएको धेरै अभिनेता र अभिनेत्रीहरुले बताउदै आएका छन्।

लाखौ, करोडौं दर्शकमाज आफ्नो कलाकारिता, आफ्नो छाप छोड्न निकै गाह्रो रहेको बताउछन्। अमिताभ बच्चन, शाहरुख खान, अक्षय कुमार, गोविन्द जस्ता कलाकारहरु आफु त्यो उचाईमा पुग्न निकै मेहनत, परिश्रम, संघर्ष गरेका कथाहरु सुनाउँदै आएका छन्।

अहिले उनीहरुको त्यो मेहनत, परिश्रम र संघर्षको फल प्राप्त गरेका छन्। उनीहरुलाई लाखौं करोडौं दर्शकहरुले मन पराएका छन्। तर, कहिले कहिँ यही स्टारडमका कारण यी फिल्म स्टारहरुले कठिनाईको सामना पनि गर्नुपरेकाे खबर समाचारमा छाउने गर्दछ।

अहिले त्यस्तै कठिनाईबाट बलिउड अभिनेता वरुण धवन गुज्रीएकाे बलिउडमा चर्चा छ। एक महिला फ्यानले वरुण धवनकी प्रेमिकालाई खुलेआम मार्ने धम्की दिएकाे भारतीय संचारमाध्यमले जनाएकाछन्।

स्रोतका अनुसार एक फ्यान वरुणको घर आगाडी उनलाई भेट्ने इच्छामा कुरेर बसिराखेकी थिइन्। तर वरुणलाई भेट्न नपाएपछि रिसमा उनले वरुणकी प्रेमिका नताशा दलाललाई मार्ने धम्की दिएकी थिइन्।

वरुण अहिले उनको नयाँ चलचित्र कलंकको प्रमोशनमा व्यस्त छन्। जब वरुणलाई भेट्न फ्यान पुगिन त्यस बेला उनी प्रमोसनमा व्यस्त थिए।

घण्टाैँसम्म कुर्दा पनि वरुणलाई भेट्न नपाएपछि उनकाे पाराे चढ्याे, जसका कारण उनी आवेसमा आएर लगातार एउटै कुरा मात्र दाेहोर्याई रहिन, ‘आई विल किल नताशा’।

वरुणको घरमा तयनाथ सुरक्षा गार्डले तत्काल पुलिसलाई खबर गरेको बताइएको छ।

अहिले उनिबिरुद्ध वरुणले उजुरी गरेको भारतीय संचार मध्यमले बताएका छन्। कलंकको रिलिज नजिकै यस्तो घटनाले वरुणको फिल्मी क्यारियरमा कतिको असर पुर्याउला भन्ने जिज्ञासाकाे उत्तर आउदाे दिनमा हेर्न बाकी नै छ।

अभिषेक वेर्मनद्वारा निर्मित मल्टि-कास्ट फिल्म कलंक आउदो अप्रिल १७मा रिलिज हुदैछ। (एजेन्सीको सहयोगमा )