५६ इन्चको छाती र ढाई किलोको हात लिएर सन्नी देवल भाजपामा

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौँ बैशाक १०

भारतीय चर्चित अभिनेता सन्नी देवललाई जो कोहिले चिन्छ उसले उनको नाम भन्दा पहिले उनले भन्ने चर्चित डाइलग सम्झिन्छ। सन्नी देवल अर्थात, नेपालीमा ‘५६ इन्चको छाती र ढाई किलोेको हात’।

उनै सन्नी देवल एकाएक त्यहि ५६ इन्चको छाती र ढाई किलोको हात लिएर भारतीय जनता दलको सक्रिय राजनीतिमा प्रवेश गरेका छन्। मंगलबार जब उनी नयाँ दिल्लीमा आयोजित विशेष कार्यक्रममा केन्द्रीय रक्षा मन्त्री निर्मला सीथारामनको हातबाट सत्तारुढ भाजपाको सदस्यता लिए त्यसपछि उनी पुनः भारतीय सञ्चारमाध्यममा छाउन पुगे।

भारतीय सञ्चारमाध्यमहरुका अनुसार, सन्नी देवलले भारतमा जारी लोकसभा चुनावमा पञ्जावको गुर्दासपुर निर्वाचन क्षेत्रबाट भाजपाको उम्मेदवार बन्न सक्ने सम्भावना बढेर गएको छ। यद्यपि अहिलेसम्म उनको उम्मेदवारीको विषयमा कुनै औपचारिक घोषणा भने गरिएको छैन।

भाजपाको सदस्यता लिए लगत्तै सन्नी देवलले भारतीय प्रधानमन्त्री नरेन्द्र मोदीले देशका लागि धेरै काम गरेकोले उनी भारतीय युवाका लागि अर्को पाँच वर्षसम्म प्रधानमन्त्री पदमा रहिरहरनु भन्ने चाहेको बताए।

सन्नी देवलले आफ्ना पिता धर्मेन्द्रले अटलविहारी बाजपयीलाई सहयोग गरेजस्तै आफूले पनि मोदीलाई सहयोग गर्न चाहेको बताए। भारतीय चलचित्र जगतमा सदाबहार सुन्दरीको रुपमा परिचित हेमामालिनी अर्थात सन्नी देवलकी सौतेनी आमा पनि मथुराबाट भाजपाको उम्मेदवार बनेकी छिन्। उनका पिता धर्मेन्द्र पनि भाजपाको राजनीतिसँग नजिक रहँदै आएका छन्। समाचार स्रोतका अनुसार, सन्नी देवललाई पार्टी प्रवेश गराउनु अघि भाजपा अध्यक्ष अमित शाहले उनीसँग महाराष्ट्रको पुनामा भेटवार्ता गरेका थिए।