अन्तर्राष्ट्रिय विमानस्थल मर्मत कार्य राती राती गरिँदै

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौं, वैशाख ११

मुलुकको एकमात्र अन्तर्राष्ट्रिय विमानस्थल त्रिभुवन विमानस्थलको मर्मत कार्य तिव्रगतिमा भइरहेको छ।

अन्तर्राष्ट्रिय विमानस्थल मर्मत कार्य राती राती गरिँदै

मुलुकको एकमात्र अन्तर्राष्ट्रिय विमानस्थल त्रिभुवन विमानस्थलको मर्मत कार्य तिव्रगतिमा भइरहेको छ।

Posted by Himal Dainik on Wednesday, April 24, 2019

विगत चार दशकदेखि सामान्य मर्मत गरेर सञ्चालन गरिँदै आएको विमानस्थलको धावनमार्गको कालोपत्रे पूर्णरुपमा फेरेर नयाँ राख्ने काम चैत १८ गतेदेखि भइरहेको हो।

अहिले रातको समय पारेर धमाधम विमानस्थल कालपत्रे गर्ने काम भइरहेको छ।

सन् १९७५ मा निर्माण गरिएको विमानस्थलको धावनमार्गको पिच त्यसपछि पहिलोपटक पुरै फालेर नयाँ फेर्न लागिएको बिमानस्थलले जनाएको छ।

झण्डै ४ दशकभन्दा बढी समयसम्म सामान्य मर्मत गरेर मात्रै काम चलाइँदै आएकोमा पूर्ण रुपमा नयाँ कालोपत्रे गर्न लागिएको होे।

चीनको सरकारी कम्पनी चाइना नेशनल एग्रो टेक्नोलोजी इन्टरनेशनल इन्जिनियरिङले यो कामको जिम्मेवारी पाएको छ।

चिनियाँ कम्पनीले ४ अर्ब २७ करोड रुपैयाँमा रनवेको स्तरोन्नति काम गर्दैछ। धावनमार्गमा कालोेपत्रे र स्तरोन्नति भएपछि यसअघिदखि विमानस्थल व्यवस्थापन समितिले झेल्दै आएको धाँजा फाट्ने समस्या हट्ने दावी प्राधिरकणको छ।

योजनाअनुसार ३ हजार ५० मिटर लामो धावनमार्गलाई बलियो बनाइने बताइएको छ। नेपाल नागरिक उड्डयन प्राधिकरणका महानिर्देशक सञ्जीव गौतमले रातभरी काम गरेर बिहान नियमित उडानका लागी रनवे तयारी अवस्थामा राख्ने काम चूनौतिपूर्ण रहेको बताए।

उनले तोकिएको समयमा नै धावनमार्गको मर्मत कार्य सम्पन्न हुने दाबी पनि गरे।

त्यस्तै नागरिक उड्ययन प्राधिकरण अन्तरगतको अन्तर्राष्ट्रिय विमानस्थल हवाई क्षमता अभिवृद्धि तथा विस्तार परियोजनाका प्रमुख बाबुराम पौडेलले बढीमा ९० दिनभित्र काम सकिने लक्ष्य अनुसार काम भईरहेको जानकारी दिए।

अन्तर्राष्ट्रिय विमानस्थल मर्मत कार्य राती राती गरिँदै

रातभरी काम गरेर बिहान नियमित उडानका लागी रनवे तयारी अवस्थामा राख्ने काम चूनौतिपूर्ण

Posted by Himal Dainik on Wednesday, April 24, 2019

प्राधिरकणको योजनाअनुसार ३ हजार ५० मिटर लामो धावनमार्गलाई बलियो बनाइनेछ। धावनमार्गको काम सकिएपछि बाँकी अरु आठ महिनाभित्र ट्याक्सी पार्किङलगायतका काम सक्ने योजना छ।

विमानस्थलको धावनमार्ग मर्मत (कालोपत्रे) जिरो टु बाट सुरु भएको छ। विमानस्थलको दक्षिणतर्फको भाग कमजोर भएकाले त्यताबाट नै मर्मत सुरु गरिएको प्राधिकरणले जनाएको छ।

अन्तर्राष्ट्रिय विमानस्थलको धावनमार्ग हरेक एक दशकमा कालोपत्र फेर्नुपर्ने अन्तर्राष्ट्रिय मापदण्ड छ।

तर, नेपालको विमानस्थल निर्माण भएयता कालोपत्रे फेरिएको छैन। विमानस्थलमा अहिले एक सय भन्दा बढि अन्तर्राष्ट्रिय सहित सरदर चारसय उडान हुदै आएको छ।