थाईल्याण्डका राजाले अंगरक्षकलाई बनाए आफ्नो जीवनसंगिनी

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौँ बैशाख १९

थाईल्याण्डका राजा नरेश महा बजिरालोङकोरनले आफ्नो अंगरक्षकलाई रानी बनाएका छन्। ६६ बर्षिय राजा महाले बुधबार ४० वर्षीया सुथिदालाई बिहे गरेका छन्। सुथिदा पहिले थाई एअरवेजमा काम गर्थिन्। उनि सन् २०१२ मा महाका अंगरक्षक बनाइएको थियो। त्यति बेला महा राजकुमार थिए। सन् २०१६ मा तत्कालिन राजा भूमिवल अदुल्यादेजको मृत्यु पश्चात महाले राजगद्दी समाल्दै आएका थिए।

सुथिदालाई भने पछिल्लो समय राजा महाको विशेष सुरक्षा कमाण्डरमा नियुक्ति भएकी थिइन्। यस अघि राजा महाको तीन बिहे भईसकेको छ।
सुथिदासंग उनको यो चौथो बिहे हो। यस अघिकी श्रीमतीको परिवार भ्रष्टाचारको अभियुक्त लागेपछि उनलाई महाले तालक दिएका थिए। उनको अहिले सम्म ७ सन्तान रहेको बिदेशी संचार मध्यमले जनाएका छन्।

सुथिदा र राजा महाको बिहे दुइस्ट दरबारमा राजकीय परिवार र वरिष्ठ आधिकारिका बीच गरिएको थाई राजदरबारले जनाएको छ। राजा महाको आउदो शनिबार राज्याभिषेक हुदैछ। उनि चक्रि राजवंशका १० औ राजा हुनेछन।यसअघि उनका बुवा भूमिवलले ७० वर्ष लामो गद्दी समालेका थिए। यो विश्वको सबैभन्दा लामो शासन समालेका राजा हुन्।

(एजेन्सीको सहयोगमा )