एभिन्यूज टेलिभिजनको कार्यालय तोडफोड

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौँ २० बैशाख

एभिन्यूज टेलिभिजनको कार्यालयमा तोडफोड भएको छ। सोमबार वीरगंजको एभिन्यूज टेलिभिजनको कार्यालयमा केहि समूहले मुखमा कालो कपडा लगाएर कार्यालय तोडफोड गरेको एभिन्यूज टेलिभिजनले जनाएको छ।

उक्त समुह समाजवादी पार्टी नेपालका कार्यकर्ता रहेको एभिन्यूज टेलिभिजनले दाबी गरेको छ। यो घटना आइतबार समाजवादी पार्टी नेपालका अध्यक्ष तथा उप-प्रधान तथा स्वास्थ्यमन्त्री समेत रहेका उपेन्द्र यादवसंगको अन्तरबार्तालाई लिएर गराइएको टेलिभिजनको दाबी छ।

उक्त अन्तर्वार्तामा कार्यक्रम प्रस्तोता र मन्त्री यादवबीच सुरुबाटै निकै विवाद भइराखेको थियो। प्रश्नकर्ताले प्रयाेग गरेका कतिपय विवादस्पद पदावली र अमर्यादित भाषाकाकारण मन्त्री यादव माइक नै झिकेर कार्यक्रमकाे बीचमै हिडेका थिए ।

त्यस्तै समाजवादी पार्टीका अध्यक्ष एंव पूर्व प्रधानमन्त्री डा बाबुराम भट्टराईले संचारकर्मीको व्यवहारका कारण सरकारले ल्याएको मिडिया काउन्सिल सम्बन्धी विधेयकको विरोध गर्नेहरु अप्ठेरोमा परेको बताएका छन् ।

डा भट्टराईले ट्वीटरमा लेखेका छन्, ‘केही मिडियाकर्मीको यस्तो अहंकारी, उदण्ड, अशिष्ट र असनको साँढे जस्तो व्यवहारले सरकारले अहिले ल्याएको मिडियाको टाउकोमा जाँतो झुण्ड्याउने विधेयकको विरोध गर्नेहरू सबैलाई अप्ठेरोमा पार्छ है ! यो अति निन्दनीय र गम्भीर छ! एक विराउने शाखा पिराउने भन्ने लोकोक्ति छ ! मिडियानेतृत्वको ध्यान पुगोस् !

त्यो भिडियो अहिले सामाजिक संजालमा चौतर्फी रुपमा भाईरल भएको छ। उक्त घटनालाई लिएर नै वीरगंजमा तोडफोड गरिएको एभिन्यूज टेलिभिजनले आफ्नो वेबसाइटमार्फत बताएको छ।