भिड नियन्त्रणमा खटिएकै प्रहरीले भिडबाट प्रदर्शनकारीको सिक्री चोरेपछि…

Share on facebook
Share on google
Share on twitter
Share on linkedin
Share on whatsapp
baudha_himal_dainik
हिमाल दैनिक
काठमाडौँ २० बैशाख

शान्ति सुरक्षाको जिम्मेवारी बहन गर्न खटिएका एक जना प्रहरी जवानले भिड नियन्त्रणका क्रममा गरेको चोरी प्रकरणले सिंगोे प्रहरी संगठनलाई नै बदनाम बनाउने स्थिति उत्पन्न भएको छ।

प्रहरी जवान अमिर श्रेष्ठले गत बिहीबार जोरपाटी बौद्ध सडक खण्डको बाटो लामो समयसम्म पनि निर्माण नगरी सास्ती खेप्न बाध्य भएर आक्रोसले सडकमा उत्रिएका एक प्रदर्शनकारीको सिक्री लुटेपछि श्रेष्ठ त कारबाहीमा पर्ने नै भए, त्यसका अतिरिक्त सिंगो प्रहरी संगठनमाथि नै दाग लगाउने दुस्प्रयास पनि भएको छ।

प्रदर्शनकारीको गलामा रहेको सिक्री चोरेको अभियोजमा प्रहरी जवान श्रेष्ठ निलम्बनमा परेका छन्। उक्त घटनाको छानबिन गर्दा श्रेष्ठले नियन्त्रणमा लिने क्रममा सिक्री चुडीएको र पछि फिर्ता नगरेको थाहा पाएपछि उनी निलम्बनमा परेको परिसरका प्रमुख एसएसपी उत्तमराज सुवेदी बताए।

थप अनुसन्धानका लागि समिति गठन गरिएको र सिक्री अधिकारिक मान्छेलाई आज बिहान दिएको एसएसपी सुबेदीले जानकारी दिएका छन्।

बिहिबार जोरपाटी(बौद्ध सडक खण्ड अन्तर्गत रहेको बाटो लामो समयसम्म पीच नभएपछि स्थानीयबासी बिरोधमा उत्रिएका थिए। प्रदर्शनकारीले सडक किनारामा रहेको पोल ढालेर तारमा आगो लगाइदिएका थिए।

भिड नियन्त्रणका लागि खटिएको प्रहरी र स्थानीय प्रदर्शनकारीबीच केहिबेर तनावपूर्ण स्थिति बनेकै अवस्थामा त्यी प्रहरी जवानले एक ब्यक्तिलाई नियन्त्रण लिने क्रममा उनको गलाको सिक्री झिकेको प्रहरीले बताएको छ।