कार्यकर्तालाई संयमित रहन उपेन्द्रको पार्टीको निर्देशन

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौं, वैशाख ३०

संघीय समाजवादी नेपाल पार्टीले आफ्नो पार्टी पंक्ति र आम कार्यकर्तालाई संयमित रहन निर्देशन दिएको छ।

आइतबार राती पार्टी अध्यक्ष एवं उपप्रधान तथा स्वास्थ्यमन्त्री उपेन्द्र यादवलाई एभिन्युज टेलिभिजनको कार्यक्रममा भएको घटनालाई लिएर उत्तेजित नहुन र अवाञ्छित गतिविधि नगरी संयमित रहन पार्टीका सबै नेता तथा कार्यकर्तालाई उक्त पार्टीको केन्द्रीय कार्यालयको तर्फबाट उपमहासचिव प्रकाश अधिकारीले जारी गरेको विज्ञप्ति मार्फत निर्देशन दिएका हुन्।

साथै उक्त पार्टी र यसको नेतृत्वले प्रेस स्वतन्त्रता र मर्यादालाई सधैँ सम्मान गर्ने बताउँदै पत्रकारिताको आचरण विपरितका गतिविधिहरु नगरी पत्रकारीता जगतलाई अझ संयमित र मर्र्यादित बनाउन आम मिडिया जगत र सम्बन्धित पक्षसँग पनि आग्रह गरेको छ।

आइतबार राती एभिन्युज टेलिभिजनको एक कार्यक्रममा कार्यक्रम संचालकले उपप्रधानमन्त्री यादवलाई होच्याएर प्रश्न गर्न थालेपछि एकआपसमा असहज परिस्थिति उत्पन्न भएको थियो।

जसले गर्र्दा मन्त्री यादव बिचमै कार्यक्रम छोडेर बाहिरिएका थिए। सोही घटनालाई लिएर उक्त पार्टीका कार्यकर्ताहरुले सोमबार वीरगंजस्थित एभिन्युज टेलिभिजनको कार्यालयमा तोडफोड गरेका थिए।