५० वर्षीय लागू औषध कारोबार सञ्चालक महिला पक्राउ

Share on facebook
Share on google
Share on twitter
Share on linkedin
Share on whatsapp

आफ्नो घरबाट लागू औषध कारोबार सञ्चालन गर्दै आइरहेकी एक महिलालाई प्रहरीले पक्राउ गरेको छ ।

पक्राउ पर्नेमा काठमाडौँ वडा नम्बर १६ बस्ने ५० वर्षीया साबित्री श्रेष्ठ रहेकी छिन् । लागू औषध नियन्त्रण व्यूरो कोटेश्वरबाट खटिएको प्रहरीले विशेष सूचनाको आधारमा श्रेष्ठलाई पक्राउ गरेको हो ।

श्रेष्ठलाई नियन्त्रित मनोद्विपक लागू औषध डाईजेपाम ६७० एम्पुल, बुप्रेनोर्फिन ५६१ र फेनारगन ५६० एम्पुल गरी जम्मा १७११ एम्पुल र लागू औषध बिक्रि वितरण गरी संकलन गरिएको एक लाख ४१ हजार रुपैयाँ सहित प्रहरीले नयाँ बसपार्कबाट पक्राउ गरेको थियो ।

प्रारम्भिक अनुसन्धानको क्रममा श्रेष्ठले विगत ६–७ वर्षदेखि नियन्त्रित लागू औषध भारतीय सीमा नाकाबाट मगाउने र आफ्नै घरबाट लागू औषध सेवन कर्ताहरुलाई बिक्रि वितरण गर्ने गरेको खुलेको एसएसपी बसन्त लामाले जानकारी दिए।

श्रेष्ठका २ छोरा समेत लागू औषध सेवनकर्ता रहेको खुल्न आएको छ । उनका एक छोरा ३५ वर्षीय र अर्को छोरा २४ वर्षका रहेका छन् । आमाले कारोबार गर्न थाले पछि छोराहरुले लागू औषध सेवन सुरु गरेको प्रहरीको भनाई छ । उनीहरु पनि कारोबारमा संलग्न थिए ।