संसद भवनमा टेलिकमको इन्टरनेट लाइन काटिँदा प्रत्यक्ष प्रशारण अबरुद्ध

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौं, जेठ १९

प्रतिनिधि सभामा सुरु भएको सरकारको बजेटमाथिको सामान्य छलफलको प्रत्यक्ष प्रशारण अबरुद्ध भएको छ।

आइतबार ११ बजेपछि सुरु भएको प्रतिनिधि सभाको बैठकमा एकघण्टा पनि नपुग्दै संसदको प्रत्यक्ष प्रशारण काट्टियो। सभामुखले छलफलमा भाग लिन सत्तारुढ दल नेपाल कम्युनिष्ट पार्टीका सांसद हृदयश त्रिपाठीको नाम बोलाउँदासाथ संसदको प्रत्यक्ष प्रशारण अबरुद्ध भएपछि दर्शकहरुले प्रशारण हेर्न पाएनन्।

संसद सचिवालयका प्रवक्ता रोजनाथ पाण्डेका अनुसार सचिवालयले लिएरको नेपाल टेलिकमको डेडिकेटेड सप्लाई लाइनमा समस्या आएको कारण प्रशारण रोकिएको जानकारी दिएका छन्।

संसदको यति गम्भिर विषयमाथिको छलफलका क्रममा सचिवालयले इन्टरनेट लाइनको विषयमा हेलचक्र्याई गरेपछि सांसदहरुको विचार उनीहरुका दर्शकले हेर्न पाएनन्।

आजै मात्र सचिवालयको कमजोरीका कारण बैठक कक्षमा राखिएको कुर्सीबाट सत्तापक्षका सांसद खगराज अधिकारी लडेका थिए।