सरकार आफैं द्वन्द्व निम्ताउने बाटोमा छ: कांग्रेस प्रवक्ता शर्मा

Share on facebook
Share on google
Share on twitter
Share on linkedin
Share on whatsapp
हिमाल दैनिक
काठमाडौं, जेठ ३०

प्रमुख प्रतिपक्षी दल नेपाली कांग्रेसले वर्तमान सरकार धर्म र संस्कृतिका विषयमा अनावश्यक विवाद सिर्जना गरी द्वन्द्व बढाउने काममा लागेको आरोप लगाएको छ ।

बिहीबार पहिलो चरणको राष्ट्रिय जागरण अभियान सम्पन्न गरेपछि पार्टी मुख्यालय सानेपामा आयोजित पत्रकार सम्मेलनमा कांग्रेसले गुठी विधेकको माध्यमबाट धर्म र संस्कृतिको विषयमा अनावश्यक रुपमा प्रवेश नगर्न सरकारलाई आह्वान गरेको छ ।

वर्तमान सरकारका प्रधानमन्त्री नै विवादित र धर्मप्रचारक विश्वविद्यालयबाट विद्यावारिधीको उपाधि लिने होडमा भन्दै कांग्रेसले सरकार आफैं द्वन्द्व निर्माण गर्ने बाटोमा लागेको आरोप लगाएको छ ।

त्यस्तै कांग्रेसले जागरण अभियानको पहिलो चरणले पार्टीप्रति आकर्षण र सरकारप्रति विकर्षण बढेको निष्कर्ष निकालेको छ । कांग्रेसले दोस्रो चरणको अभियान सुरु गर्दा पार्टीको आन्तरिम संरचना निर्माण गर्नुका साथै नेविसंघ, तरुण दल लगायतका भ्रातृ संगठन गठन गरिने जानकारी दिएको छ ।

जिल्ला, क्षेत्र, गाउँनगर र वडास्तरमा गरेर दुई हजार कार्यक्रम भएको कांग्रेस प्रवक्ता विश्वप्रकाश शर्माले जानकारी दिएका छन् । जागरण कार्यक्रमबाट ३१ हजार ६ सय ४२ जना कांग्रेस पार्टीमा प्रवेश गरेको प्रवक्ता शर्माको भनाई छ ।पार्टी प्रवेश गरेकाहरुलाई प्रशिक्षण दिएर उचित जिम्मेवारी दिने शर्माले बताएका छन् ।

त्यस्तै उनले दोश्रो चरणको जागरण अभियानको तयारी भइरहेको पनि बताए।

सरकार आफैं द्वन्द्व निम्ताउने बाटोमा छ

वर्तमान सरकारका प्रधानमन्त्री नै विवादित र धर्मप्रचारक विश्वविद्यालयबाट विद्यावारिधीको उपाधि लिने होडमा

Posted by Himal Dainik on Thursday, June 13, 2019