ब्रिगेड ब्वाइज क्लब क्वार्टरफाइनलमा

Share on facebook
Share on google
Share on twitter
Share on linkedin
Share on whatsapp
हिमाल दैनिक,
काठमाडौं

काठमाडौंमा जारी ललित स्मृति यू–१८ फुटबल प्रतियोगितामा समूह विजेता बन्दै ब्रिगेड ब्वाइज क्लब क्वार्टरफाइनलमा प्रवेश गरेको छ ।

सातदोबाटोस्थित एन्फा कम्प्लेसमा मंगलबार भएको खेलमा बिग्रेड व्बाइजले नेपाल पुलिस क्लबलाई ३–० गोल अन्तरले पराजित गर्दै क्वार्टरफाइनलमा स्थान बनाएको हो ।

ब्रिगेडको जितमा रेजिन सुब्बा, व्रिजेश चौधरी र शिशिर लेखीले समान एक–एक गोल गरे । समूह सी को ब्रिगेडले ३ खेलबाट ९ अंक जोड्यो । यस्तै पुलिसको ३ खेलबाट ६ अंक रहेको छ ।

एक खेल खेल्न बाँकी सरस्वती र जावलाखेल अंक विहीन छन् । एन्फाका पुर्व उपाध्यक्ष ललितकृष्ण श्रेष्ठको स्मृतिमा अखिल नेपाल फुटबल संघ (एन्फा) ले आयोजना गर्ने प्रतियोगितामा ’ए’ डिभिजनका १४ क्लबले प्रतिस्पर्धा गरिरहेका छन् ।

लिग कम नकआउटका आधारमा सञ्चालन हुने प्रतियोगितामा सहभागि टिमलाई तीन समूहमा विभाजन गरिएको छ । समूह चरणका विजेता र उपविजेता सहित उत्कृष्ट २ टिमले नकआउट चरणमा स्थान बनाउनेछन् । प्रतियोगिताको विजेताले ३ लाख रुपैयाँ प्राप्त गर्नेछ । भने उपविजेताले १ लाख ५० हजार रुपैयाँ पाउनेछ ।