दयाशङ्कर पत्रकारिता सम्मान बाँस्तोलालाई

Share on facebook
Share on google
Share on twitter
Share on linkedin
Share on whatsapp
पाेखरा

प्रजातन्त्र सेनानी दयाशङ्कर पालिखेकोे स्मृतिमा स्थापित ‘प्रजातन्त्र सेनानी दयाशङ्कर पालिखे स्मृति पत्रकारिता सम्मान २०७५’ बाट पत्रकार रवीन्द्र बाँस्तोलालाई सम्मान गरिने भएको छ ।

नेपाल पत्रकार महासङ्घ जिल्ला शाखाद्वारा सञ्चालित तथा पालिखे परिवारद्वारा स्थापित सो पत्रकारिता सम्मानको राशि रु ५५ हजार ५५५, सम्मानपत्र तथा दोसल्ला छ । यसअघि रु ३३ हजार ३३३ पुरस्कार राशि रहेकामा यस वर्षबाट वृद्धि गरिएको छ ।

विगत २३ वर्षदेखि पत्रकारितामा क्रियाशील रही समाज रुपान्तरणमा योगदान पु¥याएबापत बाँस्तोलालाई आजको बैठकले सो सम्मान प्रदान गर्ने निर्णय गरेको महासङ्घका सचिव रामप्रसाद तिमिल्सिनाले बताउनुभयो । बाँस्तोला पत्रकार महासङ्घ कास्की शाखाको पूर्वअध्यक्षसमेत हुनुहुन्छ ।

विसं २०५४ मा पोखराबाट प्रकाशित आदर्श समाज दैनिकबाट पत्रकारितामा प्रवेश गर्नुभएका उहाँ हाल हिमदूत दैनिकको सम्पादक हुनुहुन्छ । नेपाली काँग्रेसका सभापति एवं पूर्वप्रधानमन्त्री शेरबहादुर देउवाको प्रमुख आतिथ्यतामा यही साउन २१ गते सम्मान समारोह आयोजना गरी बाँस्तोलालाई सम्मान गरिने महासङ्घले जनाएको छ । रासस