बालीनालीमा लाग्ने किराको रोकथाममा सरकार गम्भिर

Share on facebook
Share on google
Share on twitter
Share on linkedin
Share on whatsapp
हिमाल दैनिक,
काठमाडौं.

कृषि तथा पशुपंक्षी मन्त्री चक्रपाणी खनालले नेपालमा बालीनालीमा लाग्ने किराको नियन्त्रणका लागि सरकार गम्भिर रहेको बताएका छन ।

विभिन्न सरकारी तथा गैर सरकारी संस्थाले सोमबार ललितपुरमा आयोजना गरेको नेपालमा मिचाहा सिपाही किरा भित्रने सम्भावना र त्यसको व्यवस्थापन गोष्ठीमा बोल्दै मन्त्री खनालले यस्तो बताएका हुन् ।

उनले नेपालको तराई क्षेत्र उत्पादनको केन्द्र भएकाले अहिलेको मौसम अनुसार मिचाहा सिपाही किराले तराई क्षेत्रमा नै आक्रमण गर्ने सम्भावना रहेकोले यसतर्फ सरकार संवेदनशील भएर लागि पर्ने बताए । कृषि वैज्ञानिकहरुको अनुसन्धान प्रतिवेदन अनुसार नेपालमा हाल उक्त किरा आइनसकेकोले यसलाई आउन ननि नै सरकार तथा अन्य सबै निकायले पहल गर्न जरुरी रहेको उनको भनाई छ ।

त्यस्तै मन्त्री खनालले उक्त किरा रोकथाम तथा निषेधका लागि विषादी नै अन्तिम विकल्प नभएकोले सुरुमा अन्य विकल्पको प्रयोग गर्न समेत वैज्ञानिकहरुलाई आग्रह गरे ।

मिचाहा सिपाही किरा उत्तर र दक्षिण अमेरिकाको उष्ण हावापानी क्षेत्रको रैथाने कीरा रहेको र उक्त किराले धेरै प्रकारको बालीहरु खाने भएकाले यसलाई पोलिफ्यागस पनि भनिे उल्लेख गरिएको छ ।

नेपालको पूर्वी भाग र मध्यभाग सम्मको मध्य पहाडी क्षेत्र उक्त किराको लागि अत्यन्तै सुहाउदो वातावरण भएकाले नेपालमा उक्त किरा प्रवेश हुने सम्भावना रहेकोले यसतर्फ समयमा नै संवेदनशीलता अपाउन सरोकारवालाको सुझाव दिएका छन् ।

उक्त किरा व्यवस्थापनका लागि बाली विरुवाको नियमित अवलोकन गर्ने, मोहिनी पासोको प्रयोग गर्ने, निममा आधारित विषादीको प्रयोग इत्यादिमा ध्यान नि जरुरी रहेको उल्लेख गरिएको छ । हावापानीमा आएको परिवर्तन, कृषि एवंम वनजन्य उत्पादनहरुको विश्वव्यापी ओसार पसार र मानव तथा विभिन्न प्रकारका पारवहनहरुको आवत जावतका कारण बाली विरुवामा लाग्ने रोगहरु सर्ने गरेको बताइएको छ ।