युभेन्टसका डिफेन्डर जोओलाई सिटीले ६० मिलियनमा भित्र्यायो

Share on facebook
Share on google
Share on twitter
Share on linkedin
Share on whatsapp

म्यानचेस्टर सिटीले युभेन्टसका डिफेन्डर जोओ कान्सिलोलाई ६० मिलियन पाउण्डमा अनुबन्ध गरेको छ । प्रिमियर लिगको खेलाडी किनबेच सकिन अघिल्लो दिन सिटीले महंगो रकममा जोओलाई टिममा भित्र्याएको हो ।

जोओलाई सिटीले २०२५ सम्मका लागि अनुबन्ध गरेको हो । यो सिजन उनी सिटीमा भित्रिने तेस्रो महंगो खेलाडी बनेका छन । उनी सिटीमा आएपछि सिटीका डिफेन्डर डानीलो ३४ दशलमव एक मिलियनमा युभेन्टसमा गएका छन ।

सिटीमा अनुबन्ध भएपछि उनले क्लवको प्रशंसा गरेका छन । उनले सिटी निकै राम्रो क्लव रहेको र उसको खेल्ने सैली अरुको भन्दा फरक रहेको बताए । साथै उनले सिटीबाट राम्रो खेलेर टिमलाई धेरै उपाधि दिलाउन सहयोग गर्ने बताए ।

डिफेन्डरका साथै आक्रमण पनि गर्नसक्ने क्षमता भएका उनलाई युभेन्टसले २०१८ मा ३५ मिलियन पाउण्डमा भ्यालेन्सियाबाट अनुबन्ध गरेको थियो । सो बेला उनी लोनमा इन्टर मिलानबाट खेलिरहेका थिए ।

यता डेनीलोले युभेन्टससँग ५ बर्षको सम्झौता गरेका छन । २०१७ मा सिटीमा अनुबन्ध भएका उनले लिगमा ६० खेल खेल्दा २२ खेलमा सुरुवाती ११ मा परेका थिए ।