विश्वकप असफलता पछि पाकिस्तानले कोच अर्थरको कन्ट्रयाक्ट थपेन

Share on facebook
Share on google
Share on twitter
Share on linkedin
Share on whatsapp

एकदिवसीय विश्वकपकोले सेमीफाइनल पुग्न असफल पाकिस्तान क्रिकेट टिम असफलता पछि टिमका मुख्य प्रशिक्षक मिकी अर्थरको कन्ट्रयाक्ट अबधि नथप्ने निर्णय गरेको छ।

अर्थरसंगै बलिंग प्रशिक्षक अजहर महमुद, ब्याटिंग प्रशिक्षक ग्रान्ट फ्लावर र ट्रेनर ग्रान्ट लुडेनलाई पनि निरन्तरता नदिने निर्णय बोर्डले गरेको हो। नयाँ टिम र योजनाका साथ अब पाकिस्तान क्रिकेट अघि बढ्ने भएको छ।

विश्वकप पछि पाकिस्तानको क्रिकेट कमिटिले पछिल्लो ३ वर्ष र विश्वकपमा पाकिस्तानको प्रदर्शनको समिक्षा गरेको थियो। कमिटिले प्रशिक्षण टिमलाई हटाउने सुझाव दिएपछि बोर्डले बुधबार बिज्ञप्ति जारि गर्दै निर्णय सार्वजनिक गरेको हो।

५६ वर्षीय अर्थरले २०१६ देखि पाकिस्तान टिमको प्रशिक्षण थालेका थिए। त्यस अघि उनि दक्षिण अफ्रीका र अस्ट्रेलियाको प्रशिक्षक रहीसकेका थिए।

अर्थरले केहि दिन अघि मात्रै आफु अझ २ वर्ष प्रशिक्षक भए पाकिस्तान क्रिकेटले सफलता हात पार्ने तथा अब कप्तानको रुपमा सरफराज एहमदलाई निरन्तरता दिन नहुने सुझाव समेत दिएका थिए।

पाकिस्तानले निरन्तरता नदिए भएपछि अर्थरले आफु निकै निराश भएको प्रतिक्रिया दिएका छन् –

“अस्चार्यचकित र निराश भएको छु” एएफपीसंग कुराकानीमा अर्थरले आफुले पाकिस्तानको लागि सक्दो योगदान गरेको र विश्वकपमा पनि थोरैले मात्रै सेमीफाइनल पुग्न चुकेको प्रतिक्रिया दिएका छन् –

“म निकै अस्चार्यचकित र दुखित छु। मैले पाकिस्तान क्रिकेटलाई उकास्नको लागि लागि दिलोज्यान लगाएर काम गरेको छु” पाकिस्तान नेट रन रेटमा न्युजिल्याण्डसंग पछि पर्दै सेमीफाइनल पुग्न असफल भएको थियो।

पाकिस्तान  बोर्डले बिज्ञप्तिमा अब नयाँ नेतृत्व र ताजा सुरुवातको साथ अघि बढ्ने बताएको छ।

अर्थर इंग्ल्याण्डको प्रशिक्षक हुनसक्ने 

पाकिस्तानले कन्ट्रयाक्ट नगरेका अर्थरलाई विश्वकप विजेता इंग्ल्याण्डले प्रशिक्षक बनाउने प्रमुख दाबेदारमा राखेको बिबिसीले बताएको छ। विश्वकप पछि प्रशिक्षक ट्रेभर बेलिसले प्रशिक्षण पद छोड्ने भएपछि उनको स्थानमा अर्थर, ओट्टीस गिब्सन र ग्यारी किर्सटन मध्ये लिने बारे इंग्ल्याण्डले सोचेको बिबिसीले लेखेको छ। 

अर्थरको प्रशिक्षण कालमा पाकिस्तानले आईसीसी च्याम्पियन्स ट्रफी २०१७ को उपाधि जितेको थियो। यस्तै पाकिस्तान टि-२० वरियतामा नम्बर-१ रह्यो। तर टेस्ट क्रिकेटमा पाकिस्तानको प्रदर्शन खस्कदो रह्यो भने एकदिवसीयमा टिमको प्रदर्शन उतारचढावपूर्ण रह्यो।

दक्षिण अफ्रिकाका अर्थरले १९८६ देखि २००१ सम्म दक्षिण अफ्रीकाको घरेलु क्रिकेट खेलेका थिए। २००५ देखि २०१० सम्म दक्षिण अफ्रिकी टिमका मुख्य प्रशिक्षक रहेका अर्थरले त्यसपछि २०१३ सम्म अस्ट्रेलियाको प्रशिक्षकको रुपमा समेत काम गरे। २०१६ मेमा उनलाई पाकिस्तान क्रिकेट टिमको प्रमुख प्रशिक्षकमा नियुक्त गरिएको थियो।