कोउन्टिन्हो लोनमा बार्यन जाँदा ग्रिजमनले किन पाएनन् ७ नम्वर जर्सी

Share on facebook
Share on google
Share on twitter
Share on linkedin
Share on whatsapp

जब बार्सिलोना शुक्रबारको पहिलो खेलमा मैदानमा उत्रदै थियो, उसले यसैसिजन क्लवमा भित्र्याएका खेलाडी एन्टोइन ग्रिजमन १७ नम्वरको जर्सिमा मैदानमा देखिएका थिए ।

उनी मैदानमा उत्रदा हाल बार्यन म्युनिखमा लोनमा गएका खेलाडी भने मैदानबाहिर थिए । तर उनलाई किन १७ नम्वर जर्सीमा उतारियो भन्ने चासोको विषय बनेको छ । बार्सिलोनाले फिलिप कोउन्टिन्होलाई लोनमा बार्यन म्युनिख पठाउने निर्णय गर्दापनि किन कोउन्टिन्होले लगाउने सात नम्वर जर्सी ग्रिजमनलाई दिइएन भन्ने चासो उनका समर्थकलाई भएको छ ।

ला लिगाको नियम अनुसार पहिलो खेलमा जुन खेलाडी जुन जर्सी नम्वरमा मैदानमा उत्रन्छ, उसले पुरै सिजन सोहि जर्सीमा उत्रनुपर्छ । अन्तिम समयमा बार्यन म्युनिखमा लोनमा गएका कोउन्टिन्होको यो डिल केहि दिन अगाडी फाइनल भएको भए ग्रिजनमले सात नम्वर जर्सी पाउने संभावना रहेको थियो ।

हाल कोउन्टिन्हो १९ मिलियन पाउण्डमा बार्यनमा लोनमा अनुबन्ध भएका छन । यदि बार्यनले उनलाई पुर्ण रुपमा अनुबन्ध गर्ने इच्छा देखाएमा उसले बार्सिलोनालाई एकसय २० मिलियन युरो तिर्नुपर्नेछ । यो सिजन १७ नम्वर जर्सीमा नै विताउने निश्चित भएका ग्रिजमन सात नम्वरको जर्सीका लागि अर्को सिजन कुर्नुपर्ने भएको छ ।