फिफा विश्वकप छनोटः नेपाल र चाइनीज ताइपेईबीचको खेल आज

Share on facebook
Share on google
Share on twitter
Share on linkedin
Share on whatsapp

सन् २०२२ मा कतारमा आयोजना हुने फिफा विश्वकप फुटबलको छनोट चरण पार गर्नका लागि नेपाली टिम आज चाइनीज ताइपेईसँग खेल्दै छ ।

ताइपेई मुन्सिपालिटी स्टेडियममा अपरान्ह ४ः५५ मा हुने खेलमा नेपालले अंक जोड्ने प्रयासमा हुने छ । पहिलो खेलमा कुवेतसँग लज्जास्पद हार व्यहोरेको नेपाल उक्त हारलाई विर्सदै नयाँ रणनीतिका साथ मैदान उत्रने तयारी गरेको छ ।

नेपालले हालै भएको मैत्रीपूर्ण खेलमा पनि ताइपेईसँग १–१ गोलको बराबरी खेलेकाले मंगलबारको खेललाई अलि सहजरुपमा लिएको छ ।

नेपाली टिमका मुख्य प्रशिक्षक योहान कालिनले ताइपेईसँग मैत्रीपूर्ण खेलमा गरेको प्रदर्शनलाई निरन्तरता दिन सके जित टाढा नभएको बताएका छन् ।

नेपाली टिमका कप्तान किरण चेम्जोङले समेत ताइपेइविरुद्व खेलका लागि आफुहरुले उत्कृष्ट खेल खेल्ने बताए । तयारी राम्रो गर्न नपाए पनि खेलाडीहरुले राम्रो खेल्ने र नतिजा पनि राम्रो आउनेमा आफू विश्वस्त रहेको दावी गरे ।