उपाधि ह्याट्रिककाे अभियानमा माल्दिभ्ससँग नेपालकाे पहिलाे चुनाैती

Share on facebook
Share on google
Share on twitter
Share on linkedin
Share on whatsapp

साफ यू–१८ च्याम्पियनसिप अाजदेखि काठमाडौंमा सुरु हुँदैछ । जसमा नेपालले पहिलो खेलमा माल्दिभ्ससँग प्रतिस्पर्धा गर्दैछ । हलचोक स्थित सशस्त्र प्रहरी बलको मैदानमा हुने खेल दिउसो तीन बजेबाट सुरु हुनेछ ।

नेपाली टिमको कप्तानी जय गुरुङले गर्दैछन् । यता माल्दिभ्सले पनि नेपाली टिम विरुद्ध अंक खोस्ने लक्ष्य रहेको बताएकाे छ।

नेपाली टिमका प्रशिक्षक श्रेष्ठले यसपटकले टिम निकै ब्यालेन्स रहेको र स्ट्राइकरमा मनिश डाँगी आएपछि टिम झन बलियो भएको बताए । साविक विजेताको नाताले नेपाललाई जित्नैपर्ने दबाव रहेको भए पनि मैदान विना दवाबमा उत्रने उनले बताए ।

समुह ए मा रहेको नेपालले दोस्रो खेलमा भुटानसँग खेल्नेछ । यसका साथै कार्यक्रममा ट्रफि पनि सार्वजनिक गरिएको थियो । सबै टिमका कप्तानले एकसाथ ट्रफि सार्वजनिक गरेका थिए ।

नेपाली टिम

गोलकिपरः विशला सुनार, सूर्य अधिकारी र पुजन होना

डिफेन्डरः विशाल बस्नेत, रन्दीप पौडेल, पदम भट्टराई, सुजन शर्मा, नविन गुरुङ, रोशन दोङ, अलिक रुम्बा, अन्जल महर्जन

मिडफिल्डः शिशिर लेखी, रोशन रानामगर, आकाश बुढामगर, जय गुरुङ, मनिष थापा, कुशल फुयाँल, नितिन थापा

फरवार्डः बृजेश चौधरी, सचु गुरुङ, कैलाश लामिछाने, दर्शन गुरुङ र मनिष डाँगी ।