एएफसी यू-१६ छनाेट: नेपालकाे सान्त्वना जित, श्रीलंका तीन शुन्यले पराजित

Share on facebook
Share on google
Share on twitter
Share on linkedin
Share on whatsapp

एएफसी यू १६ च्याम्पियनसिप छनोटमा नेपालले जितका साथ प्रतियोगिता समाप्त गरेको छ । चार खेलमा दुई हार एक जित र एक बराबरी खेलको नेपालले चार अंकका साथ समुहमा चौथो स्थानमा रहदै प्रतियोगिता समाप्त गर्यो ।

जोर्डनमा भएको खेलमा नेपालले समुहको अन्तिम खेलमा श्रीलंकालाई तीन शुन्यले हरायो । खेलको ३६ औं मिनेटमा मोहित गुरुङले नेपालका लागि पहिलो गोल गरे । पहिलो हाफमा एक गोलको अग्रता बनाएको नेपालले ६४ औं मिनेटमा दोस्रो गोल थप्यो ।

यसपटक नेपालका लागि अनिल चौलागाईले गोल गर्न सफल भए । यसअघिको खेलमा चार जना खेलाडी परिवर्तन गरेको नेपालले ८९ औं मिनेटमा तेस्रो गोल थप्यो । नेपालका लागि जान ताम्लीले गोल गरे । उनले कर्नरबाट आएको बललाई हेडबाट पोष्टको दिशा देखाए ।

नेपालले समुह ए को पहिलो खेलमा जोर्डनसँग सात शुन्यको हार ब्यहोरेको थियो भने दोस्रो खेलमा कुवेतसँग एक एक गोलको बराबरी खेलको थियो । यस्तै तेस्रो खेलमा नेपाल ताजिकिस्तानसँग सात शुन्यले नै पराजित भएको थियो ।

एएफसी यू १६ च्याम्पियनसिप छनोटमा नेपालले जितका साथ प्रतियोगिता समाप्त गरेको छ । चार खेलमा दुई हार एक जित र एक बराबरी खेलको नेपालले चार अंकका साथ समुहमा चौथो स्थानमा रहदै प्रतियोगिता समाप्त गर्यो ।