डर्टमुन्डकाे घरेलु लिगमा अर्काे बराबरी

Share on facebook
Share on google
Share on twitter
Share on linkedin
Share on whatsapp

जर्मन बुन्डेसलिगमा उपाधिको दावेदार मानिएको बोरुसिया डर्टमुन्ड वेरदेर बेरमनसँग बराबरीमा रोकिएको छ । यो सिजन राम्रो सुरुवात गर्न नसकेको बोरुसियाले एक गोलको अग्रतालाई जोगाउन सकेन ।

डर्टमुन्डको घरेलु मैदानमा ८१ हजार दर्शकमाझ भएको खेलको सातौं मिनेटमा नै रासिकाको गोलमा पाहुना टिम वेरदेरले अग्रता बनाएको थियो । तर त्यसको दुई मिनेटमा मारीयो गोट्जेले गोल गर्दै बोरुसियालाई बराबरीमा पुर्याए ।

४१ औं मिनेटमा मार्कुस रिउसले गोल गर्दै बोरुसियाले घरेलु मैदानमा अग्रता बनायो । उनले हाजार्डको पासको सदुपयोग गरेका थिए । पहिलो हाफमा एक गोलको अग्रता बनाएको बोरुसिया विरुद्ध ५५ औं मिनेटमा फ्रेडीले गोल गर्दै खेल दुई दुईको बराबरीमा पुर्याए ।

यो बराबरीले बोरुसियाले ६ खेलमा ११ अंक बनाएको छ । उसले अहिलेसम्म तीन जीत दुई बराबरी र एक हार ब्यहोरेको छ । यता सिजनमा अपराजित रहेको बार्यन म्युनखले पनि गएराति नै आफ्नो खेलमा पदेरबर्नलाई तीन दुई गोलले हरायो । जसका कारण उनले आफ्नो शिर्ष स्थानलाई बलियो बनाएको छ ।