सबै गैरकानूनीरूपमा कार्यरत विदेशी सैनिकले सिरिया छोड्नुपर्छ: पूटिन

Share on facebook
Share on google
Share on twitter
Share on linkedin
Share on whatsapp
रूसी राष्ट्रपति भ्लादिमिर पूटिन
मस्को, 

गैरकानूनीरूपमा सिरियामा रहँदै आएका सबै विदेशी सैनिकले तत्काल सिरिया छोड्नुपर्ने रूसी राष्ट्रपति भ्लादिमिर पूटिनले बताएका छन् ।

सिरियामा विदेशी सेनाले गैरकानूनीरूपमा अखडा जमाउँदा यहाँका नागरिकले दोहोरो मार खेप्नुपरेको शनिबार प्रकाशित एक रूसी पत्रिकालाई दिइएको अन्तवार्तामा उनको धारणा थियो ।

उनले सिरियाली भूमिमा रहेको विदेशी सैनिकलाई सङ्केत गर्दै भने, “कुनै पनि सार्वभौम भूमिमा गैरकानूनीरूपमा तैनाद गरिएका सबै विदेशी सैनिक फिर्ता गर्नुपर्छ । रूस यसमा कटिवद्ध छ ।”

पूटिनले शनिबारका लागि रूसी न्यूज च्यानल आरटी, बेलायतको स्काई न्यूज र साउदी अरबको लगानीमा सञ्चालित अल अरेविया च्यानलसँगको कुराकानीमा भने, “दमास्कसले रूसी सहयोग नचाहेमा रूसले आफ्नो सैनिकलाई सिरियाबाट हटाउन तयार छ ।”

सिरिया अन्य मुलुकको सैनिक उपस्थितिबाट स्वतन्त्र हुन चाहेमा स्वतन्त्र हुन दिनुपर्छ । उहाँले थप्नुभयो, “सिरियाको भौगोलिक अखण्डतालाई पूर्णरूपमा स्थापित गरिनुपर्छ । यसबारे आफूले टर्की, इरान तथा अमेरिकाका सहयोगी मुलुकहरूसँग खुलारूपमा छलफल गरिसकेको पनि बताए ।(रासस÷सिन्ह्वा)