सभामुख चयनमा नेकपाभित्र अन्तरविरोध ल्याउने प्रयास: पौडेल

Share on facebook
Share on google
Share on twitter
Share on linkedin
Share on whatsapp
हिमाल दैनिक,
काठमाडौँ,

नेपाल कम्युनिस्ट पार्टीका महासचिव विष्णुप्रसाद पौडेल सभामुख चयनका विषयमा नेकपाभित्र अन्तर्विरोध ल्याउने प्रयास भएको टिप्पणी गरेका छन् ।

आइतबार काठमाडौंमा आयोजित नेकपा विद्यार्थी संगठन अनेरास्ववियूको पहिलो पूर्ण बैठक तथा सपथ ग्रहण समारोहमा उनले सभामुखका विषयमा पार्टीमा अन्तरविरोध ल्याएर फाइदा लिन सकिन्छ कि भन्ने प्रयास भएको बताएका हुन् । सभामुख र उपसभामुखको प्रश्नमा नेकपाभित्र अन्तरविरोध ल्याउने प्रयास भएको उनको भनाई छ ।

महासचिव पौडेलले सभामुख र उपसभामुखका विषयमा नेकपाले हार्दिकतापूर्ण निर्णय लिएर आउने जिकिर पनि गरे । उनले ढिलो भएपछि पार्टीको एकीकरणको काम पुरा हुदै गएको बताए । पौडेलले संविधान निर्माणसंगै मुलुकलाई अघि बढाउने अभिभारा आफुहरुको रहेको भन्दै मुलुकको बिकासका लागि गम्भीर भएर लााग्नुपर्ने तर्क गरे ।

कार्यक्रममा ३३५ सदस्यीय केन्द्रीय कमिटिका सदस्यलाई पार्टी महासचिव विष्णु पौडेलले सपथ खुवाए । अनेरास्ववियुले संगठनमा ४५ सदस्यीय स्थायी समिति पनि बनाएको छ । स्थायी समितिमा पूर्व एमालेनिकट अनेरास्ववियुबाट २४ र पूर्व माओवादीनिकट अनेरास्ववियु क्रान्तिकारीबाट २१ जना छन् । यसअघि अनेरास्ववियुले १८ पुसमा एकीकृत केन्द्रीय समितिको नाम टुंगो लगाएको थियो ।