आँउदो असारसम्म मेलम्चीको पानी सुन्दरीजल आइपुग्छ: मन्त्री मगर

Share on facebook
Share on google
Share on twitter
Share on linkedin
Share on whatsapp
हिमाल दैनिक,
काठमाडौँ,

खानेपानी मन्त्रालयले आउँदो असारसम्‍म मेलम्चीको पानी काठमाडौंको सुन्दरीजल ल्याउने घोषणा गरेको छ । बिहीबार खानेपानी मन्त्रालयमा आयोजित पत्रकार सम्मेलनमा मन्त्री बिना मगरले मेलम्ची आयोजनाबारे स्वेतपत्र जारी गर्दै आर्थिक वर्ष ०७६÷७७ भित्र मेलम्चीदेखि सुन्दरीजलसम्मको सुरुङ परीक्षण र सञ्चालन गर्ने घोषणा गरेकी हुन् ।

त्‍यस्तै सुन्दरीजल पोर्टलदेखि पानी प्रशोधन केन्द्र तथा बागमती नदीसम्‍मको आयोजनाको काम पनि असारभित्रै सक्ने उनले बताईन । असार मसान्तभित्र दैनिक १७ करोड लिटर पानी काठमाडौंमा ल्याउने मन्त्रालयको योजना रहेको समेत उनले बताईन ।

खानेपानी मन्त्री बिना मगरले आयोजनाले अहिलेसम्म विभिन्न समस्या बेहोर्न परेको बताईन । असार मसान्तभित्र मेलम्चीको पानी काठमाडौं ल्याउने योजनालाई प्रभावकारी बनाउन मन्त्रालयले नियमित अनुगमन गरिरहेको मन्त्री मगरले बताईन ।

कार्यक्रममा खानेपानी आयोजना विकास समितिका कार्यकारी निर्देशक तिरेशप्रसाद खत्रीले ड्याम सक्नका लागि केही समय लाग्ने भएपनि अल्टरनेट ड्यामबाट असार मसान्तसम्म पानी झर्ने बताए । सरकारले मेलम्ची आयोजनाको बाँकी काम एक वर्षभित्र गरिसक्न गत असोजमा चीनको सिनो हाइड्रोसँग सम्झौता गरेको थियो । त्यस्तै सीएमसीले कामदार र सक कन्ट्राकटरलाई दिन बाँकी रकमको विषयमा अध्ययन गर्न मन्‍त्रालयको सहसचिवको नेतृत्वमा समिति बनेनेको समितिले जनाएको छ।

  यस समन्धि अन्य समाचार:
मेलम्ची खानेपानीको पाइप जडान गर्दा १६ करोडको लापरबाही!
मेलम्चीमा सुरुङ ‘फिनिसिङ’को काम अन्तिम चरणमा
सिनो हाइड्रोसँग मेलम्ची ‘हेडवक्र्स’को सम्झौता, १५ महिनामा सकिएला त काम?