'इटालियन सिरि ए' मा युभेन्टसले जित हासिल गरेको छ। गएराति बोलोग्नाको घरेलु मैदानमा भएको खेलमा युभेन्टसले २–० को गोल अन्तरले बिजयी भएको हो।सोमबार भएको खेलमा क्रिस्टियानो रोनाल्डो र पाउलो डिबालाले गोल गरेर आफ्नो टिमलाई फराकिलो जीत दिलाएका थिए। https://www.youtube.com/watch?v=DDyu6jqGFqU खेलको २३ औं मिनेटमा रोनाल्डोले पेनाल्टीमा मार्फत गोल गर्दै आफ्नो टिमलाई अग्रता दिलाएका थिए। रोनाल्डोको यस सिजनको यो २२ औं गोल हो। त्यस्तै ३६ औं मिनेटमा पाउलो डिबालाले गोल गरेर पहिलो हाफ मै २-० को अग्रता दिलाए। दोस्रो हाफको इन्जुरी टाइममा युभेन्टसका डिफेन्डर डानिलोले दोहोरो पहेलो कार्ड खाँदै मैदान बाहिरिए संगै खेल १० खेलाडीमा समेटिएको थियो। दोस्रो हाफमा कुनै गोल हुन नसकेपछि युभेन्टस बिजयी भएको थियो। यससंगै युभेन्टस अंक तालिकामा ६६ अंक सहित पहिलो स्थानमा रहेको छ। ६२ अंक सहित दोस्रो स्थानमा लाजिओ रहेको भने इन्टर ५७ अंक सहित तेस्रो स्थानमा छ।