आर्थिक सम्वृद्धिका लागि पूर्ण बजेट नै आवश्यकता: मन्त्री खतिवडा
अर्थमन्त्री डा. युवराज खतिवडाले आर्थिक सम्वृद्धिको नारा सफल पार्न पूर्ण बजेट नै ल्याउने बताएका छन् । प्रतिनिधिसभा बैठकमा बुधबार बजेटका सिद्धान्त र प्राथमिकतामा उठेका प्रश्नको जवाफ दिँदै मन्त्री खतिवडाले सरकारले लिएको आर्थिक सम्वृद्धिको नारा सफल पार्नका लागि अहिले पूर्ण बजेटको नै आवश्यकता रहेका बताएका हुन् ।
उनले आर्थिक पुनरोत्थानलाई सरकारले ध्यान दिएको र बजेट निर्माणका क्रममा प्राथमिकतामा राख्ने पनि बताए । आधारभूत स्वास्थ्य सेवा र माध्यमिक तहसम्मको शिक्षालाई बलियो बनाउँदै लैजान सरकारको भूमिका बढाउने, रोजगारीको क्षेत्रमा लगानी नबढाउने हो भने पैसा मात्रै बाँडेर नपुग्ने उनले बताए ।
खतिवडाले गत जनवरीसम्ममा नेपालको उच्च आर्थिक वृद्धिदरका विषयमा अन्तर्रा्िष्ट्रय निकायहरु पनि सहमत रहेको बताए । उनले सीमा क्षेत्रमा खटिने सुरक्षाकर्मीका लागि सरकारले उचित तवरले बजेट बिनियोजन गर्ने बताए ।
बैठकमा सभामुख अग्नि सापकोटाले आगामी जेष्ट २ गते शुक्रबार चार बजे संघीय संसदको दुवै सदनको संयुक्त बैठकमा राष्ट्रपति बिद्यादेवी भण्डारीले नीति तथा कार्यक्रम प्रस्तुत गर्ने जानकारी दिए ।
प्रकाशित मिति: आइतबार, वैशाख २८, २०७७
प्रतिक्रिया दिनुहोस्
थप समाचार
साताको लोकप्रीय
