सरकारले हालसम्म ४९ हजार ३३६ जनाको कोरोना परिक्षण गरिएको जनाएको छ । शनिबार आयोजित नियमित पत्रकार सम्मेलनमा स्वास्थ्य मन्त्रालयका प्रवक्ता डा बिकास देवकाटोले पिसिआर बिधिबाट अहिलेसम्म ९६६६ परिक्षण गरिएको र अन्यको र्यापीड टेष्ट गरिएको जानकारी दिए । त्यस्तै पछिल्लो २४ घण्टामा १९५४ जनाको परिक्षण टेष्ट गरिएको छ । अहिले मुलुकभर क्वारेन्टाइनमा १४,७३१ जना र आइशोलेशनमा ८७ जना रहेका छन् भने रेड जोनमा २९० जना रहेका छन् । चितवनमा भरतपुरमा उपचार गरिरहेका एक पुरुष पनि पूर्ण रुपमा स्वस्थ भइ शनिबार डिष्चार्ज भएकोे प्रवक्ता देवकोटाले जानकारी दिए । मुलुकभर हालसम्म कोरोना संक्रमितको संख्या ४९ जना रहेका छन् भने १२ जना पूर्णरुपमा स्वास्थ्यलाभ गरि डिष्चार्ज भएका छन् ।