नेपाली काँग्रेस केन्द्रीय कार्यसमितिको बैठक स्थगित भएको छ । पार्टीको समानुपातिक सांसद ज्ञानकुमारी छन्त्यालको निधनमा शोक प्रस्ताव पारित गरेर बुधबारको काँग्रेस केन्द्रीय कार्यसमिति बैठक स्थगित भएको हो । कांग्रेसले स्वर्गीय छन्त्यालप्रति श्रद्धाञ्जली अपर्ण गर्दै १ मिनेट मौन धारणा समेत गरेको छ । त्यस्तै स्वर्गीय छन्त्याललाई श्रद्धाञ्जली अपर्ण गर्दै कांग्रेसले भोलि बिहिबार कांग्रेस केन्द्रिय कार्यालय बन्द गरी केन्द्रिय कार्यालय सानेपामा पार्टीको झण्डा आधा झुकाइने तथा बिहिबार पार्टीको कुनै औपचारिक कार्यक्रमहरु नगरिने कांग्रेस महामन्त्री पूर्णबहादुर खड्काले जानकारी दिए । काँग्रेस केन्द्रीय कार्यसमितिको अर्को बैठक आगामी आइतबार दिउँसो २ बजे बस्ने उनले जानकारी दिए । काँग्रेस केन्द्रीय कार्यसमितिको बुधबारको बैठकमा पूर्व निर्धारित एजेण्डा अनुसार महाधिवेसनको कार्यतालिकामा छलफल हुने बताइएको थियो ।