कांग्रेस सांसद ज्ञानकुमारी छन्त्यालको अन्त्येष्टि गरिएको छ । लामो समयदेखि मुटु रोगबाट ग्रसित ६६ वर्षीया छन्त्यालको काठमाडौँस्थित गङ्गालाल हृदयकेन्द्रमा बुधबार निधन भएको थियो । काँग्रेसका तर्फबाट समानुपतिक सांसद उनि दोस्रो संविधानसभामा बागलुङ क्षेत्र नं ३ बाट निर्वाचित संविधानसभा सदस्यसमेत थिइन् । उनको बुधबार दिउँसो पशुपतिस्थित आर्यघाटमा अन्त्येष्टि गरिएको छ । त्यसअघि पशुपति आर्यघाटमा कांग्रेसका सभापति शेर बहादुर देउवाले छन्त्यालको पार्थिव शरिरमा पार्टीको झण्डा झोढाएका थिए । त्यस्तै सभामुख अग्नी सापकोटा, राष्ट्रियसभा अध्यक्ष गणेशप्रसाद तिमिल्सीना, काग्रेस बरिष्ठ नेता रामचन्द्र पौडेल लगाएतका नेताहरु पशुपति आर्यघाट पुगी स्वर्गीय छन्त्यालप्रति श्रद्धाञ्जली अर्पण गरेका थिए । पशुपति आर्यघाटमा कांग्रेसका नेताहरुले नेपाली राजनीतिमा पुराएको योगदान र महिला आन्दोलनमा खेलेको भूमिकाको स्मरण गरेका थिए । कांग्रेस बाग्लुङको सल्लाहकार तथा महाधिवेशन प्रतिनिधिसमेत रहेको थिइन् । मुटुमा समस्या देखिएपछि प्रतिनिधिसभाको नयाँ नक्सा निसान छापमा समावेश गर्नेसम्बन्धी बैठकमा छन्त्याल सहभागी हुन सकेकी थिइनन् ।