नेपाल कम्युनिष्ट पार्टी (नेकपा)को स्थायी कमिटी बैठक सुरू भएको छ। प्रधानमन्त्री निवास बालुवाटारमा केहि समय अगाडी स्थायी समितिको बैठक सुरु भएको प्रधानमन्त्रीका प्रेस सल्लाहकार सुर्य थापाले जानकारी दिए। उनका अनुसार आजको बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले वर्तमान परिस्स्थिति र बैठकको सम्बन्धमा आ-आफ्नो धारणा राख्दैछन्। त्यस्तै आजको बैठकमा सरकारको काम कारबाहीप्रति पनि बिशेष चर्चा हुने थापाले जानकारी दिए। सरकारले पछिल्लो समय कोरोन रोक-थामका लागि गरिएको योजना, सिमा विवाद र त्यसको समाधानका लागि सरकारले गरेको पहल अधि कुरामा छलफल हुने जानकारी दिएको छ। त्यस्तै लामो समयसम्म पार्टी भित्र र बाहिरसम्म बिबादित बनेको एमसीसीका बारे पनि छलफल हुने बताइएको छ। आज को बैठकमा पार्टी एकताका बाँकी काम पनि छलफल हुने थापाले जानकारी दिए। बैठकका तस्बिरहरु: