सशस्त्र प्रहरी बलका प्रमुख आइजी शैलेन्द्र खनाल आज दार्चुला जान लागेका छन्। बुधवार बिहान हेलिकप्टरबाट उनी दार्चुला जान लागेको हुन्। बैशाख ३१ गते कालापानीभन्दा १० किलोमिटर पूर्वमा सशस्त्र प्रहरीको बोर्डर आउट पोस्ट (बीओपी) स्थापना गरिएको छ। दार्चुलाको ब्यास गाउँपालिका १ छाङरुमा बीओपी राखिएको हो। आइजी खनाले नयाँ बीओपीको निरीक्षण गर्न जाने गृहमन्त्रालय स्रोतले जानकारी दिएको छ। 'उहाँ बीओपी र सुरक्षा निगरानी गर्न जान लाग्नु भएको हो,' गृह स्रोतले भन्यो।