लिगको ६ खेलमा संकटाले २ जित, २ बराबरी र २ हार सहित ८ अंक जोडेर तालिकाको आठौं स्थानमा छ । ब्रिगेड २ जित, ३ हार र १ बराबरी गर्दै ७ अंक जोडेर तालिकाको दशौं स्थानमा छ । संकटा सातौं चरणको खेलमा ब्रिगेडलाई पराजित गर्दै शीर्ष ६ मा रहने योजनामा छ । यता ब्रिगेड पनि महत्वपूर्ण तीन अंककै लागि मैदानमा उत्रिनेछ ।  राष्ट्रिय टिमका पुर्व कप्तान अनिल गुरुङको कप्तानीमा रहेको छ । पहिलो खेलमा मछिन्द्रसँग २–० ले पराजित उसले दोस्रो खेलमा फ्रेण्ड्सलाई हराएको थियो । तेस्रो खेलमा मनाङसँग १–० ले पराजित भएपनि चौथो खेलमा हिमालयन शेर्पा क्लबलाई हराउन सफल रह्यो । पाँचौ खेलमा थ्रीस्टारसँग ३–० ले पराजित बिग्रेड पछिल्लो खेलमा सरस्वती युथसँग गोलरहित बराबरी खेल्दै अंक बाँडेको थियो । यस्तै आजै हुने दोस्रो खेलमा आर्मीलाई  स्पष्ट तीन अंकको अग्रता लिने अवसर छ । उपाधि होडको मछिन्द्र हिमालयन शेर्पा क्लबसँग पराजित भएपछि आर्मीलाई शीर्ष स्थानमा उक्नले मौका आएको हो । सोमबार लिगको सातौं चरणको खेलमा आर्मीले बलियो देखिएको च्यासल युथ क्लबसंग प्रतिस्पर्धा गर्दैछ । दशरथ रंगशालामा हुने खेल दिउँसो ३ बजे सुरु हुनेछ । कम्तिमा बराबरीको नतिजा निकाले पनि आर्मी शीर्ष स्थानमा उक्लिनेछ । यता, सुरुवाती दुई खेलमा राम्रो प्रदर्शन गरेको च्यासल भने रेलिगेशन जोनको नजिक छ । उसले ६ खेलबाट ६ अंक बटुल्दै तालिकाको १२ औं स्थानमा छ । आर्मीविरुद्ध जित निकाल्दै च्यासल भने कम्तिमा रेलिगेशन जोनबाट माथि उक्लिने दाउमा छ । आर्मीविरुद्ध जित हात पारे च्यासल तालिकाको आठौं स्थानमा उक्लने छ । सहिद स्मारक ए डिभिजिन लिग फुटबलमा आज (मंगलबार) दुई खेल हुँदैछन् । पहिलो खेलमा ब्रिगेड ब्वाईज क्लब (बीबीसी) र संकटा क्लब भिड्दैछन् भने दोस्रो खेलमा आर्मी र च्यासल युथ क्लबबीच प्रतिस्पर्धा हुनेछ । ब्रिगेड र संकटा पहिलो खेलमा सातदोबाटोस्थित एन्फा कम्प्लेक्समा मध्यान्न १२ बजे भिड्नेछन् । दोस्रो खेलमा आर्मी र च्यासल दिउँसो ३ बजे दशरथ रंगशालामा खेल्नेछन् ।