काठमाडौँ । युभेन्टस इटालियन कोपाको क्वाटरफाइनलमा पुगेको छ । गएराति सम्पन्न खेलमा युभेन्टसले उडीनेसलाई ४-० ले पराजित गरेको हो ।

आफ्ना स्टार खेलाडी क्रिस्टियानो रोनाल्डो बिना खेलेको युभेन्टसका लागि अर्जेन्टिना प्लेमेकर पाउलो डिबालाले २ गोल गरेका थिए । त्यस्तै गन्जालो हुगेनले एक गोल गरे भने डगलस कोष्टाले एक गोल गरेका थिए ।

६ औं मिनेटमा हिग्युनले गोल गर्दै युभेन्ट्सले अग्रता दिलाएका थिए। २६ औं मिनेटमा ड्याबलाले युभेन्ट्सको अग्रता दोब्बर पारे। पहिलो हाफ २–० को अग्रता बनाएको युभेन्ट्सले दोस्रो हाफमा थप २ गोल गर्यो। ५७ औं मिनेटमा पेनाल्टीमार्फत ड्याबलाले नै ब्यक्तिगत दोस्रो गोल गरे। खेलको ६१ औं मिनेटमा कोस्टाले गोल गर्दै युभेन्ट्सलाई ४–० गोल अन्तरको फराकिलो जित दिलाए।

अब कोपाको क्वाटरफाइनलमा युभेन्टसले एस रोमा र पर्माबीचको विजेतासँग खेल्ने छ ।