सहिद स्मारक ए डिभिजन लिग फुटबलमा न्युरोड टिम एनआरटीले विजयी सुरुवात गरेको छ । सातदोबाटोस्थित एन्फा कम्प्लेक्समा मंगलबार सरस्वती युथ क्लबलाई ४–० गोल अन्तरले पराजित गर्दै एनआरटीले सुखद सुरुवात गरेको हो । सातदोवाटोस्थित एन्फा कम्पलेक्सको मैदानमा आज भएको खेलमा एनआरटीको जितमा जुनियर ओंगे, सरोज तामाङ, एरिक विष्ट र जोर्डन जुनियर निडेम्बाले एक एक गोल गरे । ३५ औं मिनेटमा जुनियर ओंगेको गोलबाट अग्रता बनाएको एनआरटीले दोस्रो हाफमा तीन गोल थपेको थियो । ६९ औं मिनेटमा सरोज तामाङले गोल गर्दै एनआरटीको अग्रता दोब्बर बनाए । यसैगरी एरिक विष्टले ८१ औं मिनेटमा टिमका लागि तेस्रो गोल थपे । दोस्रो हाफमा दबाबमा रहेको सरस्वतीले ९० औं मिनेटमा चौथो गोल खान पुग्यो । एनआरटीका लागि जोर्डन जुनियर निडेम्बाले गोल गरेका थिए