अमेरिकी राष्ट्रपति डोनाल्ड ट्रम्प केहि समय अघि भारत आईपुगेका छन्। सोमबार दुई दिने राजकीय भ्रमणमा रहेका राष्ट्रपति ट्रम्पलाई भारतका प्रधानमन्त्री नरेन्द्र मोदीले सरदार भल्लाभभाइ पटेल अन्तर्राष्ट्रिय विमानस्थलमा पुगेर स्वागत गरेका थिए। ट्रम्पलाई मोदीले अंगालो मारेर स्वागत गरेका थिए। ट्रम्पसंगै उनकी श्रीमती मेलानिया, छोरी इवांका र उनको ज्वाई जैरेड कुशनर भ्रमणमा आएका छन्। अमेरिकी राष्ट्रपति बनेपछि ट्रम्पको यो पहिलो भारत भ्रमण हो। अन्तराष्ट्रिय संचार मध्यमका अनुसार ६१ बर्षमा अमेरिकाका राष्ट्रपति भारत भ्रमण गर्ने उनि सातौं राष्ट्रपति हुन्। ट्रम्प अहमदाबादमा करिब २३० मिनेट रहनेछन।उनि र मोदी अहिले २२ किमिको रोड शो गरेर मोटेरा स्टेडियममा पुग्ने छन्। नमस्ते ट्रम्प कार्यक्रममा उनले सोहि क्रिकेट स्टेडियमको उद्घाटन गर्नेछन। उनी त्यहाँबाट ताजमहल हेर्न आग्रा जाने भारतीय संचार मध्यमले जनाइएको छ।