नेपालमा पहेंलो धातु सुनको मुल्यले नयाँ रेकर्ड बनाएको छ। आइतबार प्रति तोलामा ७८ हजार ८०० रुपैयाँमा कारोबार भएको छापावाला सुन सोमबार भने १५०० रुपैयाँले बढेको छ। नेपाल सुनचाँदी व्यवसायी महासंघका अनुसार आज छापावाला सुनको मुल्य १५०० रुपैयाँले बढेर ८० हजार ३०० रुपैयाँ पुगेको छ ।अन्तर्राष्ट्रिय बजारमा नै लगातार उकालो लागेको सुनको मूल्यको प्रभाव स्थानीय बजारमा समेत परेको हो । त्यस्तै तेजावी सुन प्रति तोलामा ८० हजार रुपैयाँमा कारोबार भएको छ।