१३ औं दक्षिण एसियाली खेलकुद (साग) अन्तर्गत बिहिबार भएको पुरुष भलिबलमा पाकिस्तान र भारत बिजयी भएको छ । त्रिपुरेश्वरस्थित राखेप कभर्ड हलमा बिहिबार भएको खेलमा माल्दिभ्सलाई ३–० को सोझो सेटमा पराजित गर्दै पाकिस्तानले सुखद सुरुवात गरेको हो । सागमा सुखद सुरुवात गर्ने क्रममा पाकिस्तानले माल्दिभ्सलाई २५–१६, २५–२३ र २५–१५ ले पाखा लगायो । जितसँगै पाकिस्तान सेमिफाइनल नजिक पुगेको छ । र, समूह ’बी’ को पाकिस्तानले २ अंक जोडेको छ । पाकिस्तानले अब समूह चरणको अन्तिम खेलमा शुक्रबार श्रीलंकासँग खेल्नेछ । त्यस्तै दोश्रो खेलमा बंगलादेशलाई ३–० को सोझो सेटमा पराजित गर्दै भारतले सुखद सुरुवात गरेको हो । सागमा सुखद सुरुवात गर्ने क्रममा भारतले बंगलादेशलाई २५–१८, २५–१४ र २५–१५ ले पाखा लगायो । जितसँगै भारत सेमिफाइनल नजिक पुगेको छ । र, समूह ’ए’ को भारतले २ अंक जोडेको छ ।