मंसिर १५ गते औपचारिक रुपमा सुरु हुने १३ औं दक्षिण एसियाली खेलकुद (साग) का लागि भन्डै १९ हजार सुरक्षाकर्मी परिचालन हुने भएका छन् । सागको प्रचार समितिले बिहीबार काठमाडौंमा आयोजना गरेको पत्रकार सम्मेलनमा प्रहरी महानिरिक्षक सर्वेन्द्र खनालले १८ हजार ९ सय ३३ सुरक्षाकर्मी परिचालन हुने जानकारी दिए। सागको उद्घाटन र समापनका दिन भने सवारी साधान चलाउन जोर विजोर प्रावधान लागु गर्ने बताइएको छ । सागको उद्घाटन दशरथ रंगशालामा मंसिर १५ गते हुनेछ । त्यो दिन विजोर संख्याका सवारी साधान चलाउन पाइने छ । त्यस्तै समान मंसिर २४ गते दशरथ रंगशालामा नै हुनेछ । त्यस दिन जोर संख्याका सवारी साधान प्रयोग गर्न पाइने बताइएको छ । https://www.facebook.com/himaldainik/videos/515027316021799/?t=0 त्यस्तै सवारी साधानका लागि सिमित ठाँउमा वान वे गरिएको छ । थापाथलीबाट कालिमाटी आउन जाने व्यवस्था गरिएको छ । तर थापाथलीबाट त्रिपुरेश्वर हुँदै सहिदगेट जान भने रोक लगाइने जनाइएको छ । सागमा प्रयोग हुने सवारी साधानको पार्किङका लागि भने टुडिखेलमा व्यवस्था गरिएको खनालले बताए । प्रतियोगिताको औपचारिक उद्घाटन आइतबार भएपनि सागका भलिबल खेल भने बुधबारबाट सुरु भइसकेका छन् । सागमा नेपालसहित ७ राष्ट्रका ३ हजार बढीले २६ खेलमा प्रतिस्पर्धा गर्नेछन् । सागमा समान ३ सय १७ स्वर्ण र रजत तथा ४ सय ८१ रजत पदकका लागि प्रतिस्पर्धा हुनेछ ।