रियल सोसिडाडमाथि सेभियाको साँघुरो जित
एजेन्सी । स्पेनिस ला लिगा फुटबलमा सेभियाले साँघुरो जित निकालेको छ । आइतबार राति भएको खेलमा सेभियाले रियल सोसिडाडलाई ३-२ गोल अन्तरले हराएको छ ।
घरेलु मैदानमा सेभियालाई जित दिलाउन नोलीटो, लुकास ओकाम्पोस र फ्रान्को भाज्क्वेजले एक एक गोल गरे । रियल सोसिडाडका मिकेल ओयार्जबल र पोर्टूले एक एक गोल फर्काए ।
सेभियाले एक गोलले पछि परेको स्थिति उल्टाएर जित निकालेको हो । जितसँगै सेभिया लिगको छैटौं स्थानमा उक्लिएको छ । सेभियाले ७ खेलमा १३ अंक जोडेको छ ।
७ खेलमा १३ अंक नै जोडेको सेभिया पाँचौं स्थानमा छ ।
प्रकाशित मिति: शुक्रबार, असोज १०, २०७६
प्रतिक्रिया दिनुहोस्
थप समाचार
साताको लोकप्रीय
