युराेपियन च्याम्पियन्स लिगकाे समुह चरणको पहिलो खेलमा बार्सिलोनाले जर्मन क्लब बोरुसिया डर्टमण्डसंग गोल रहित बराबरीमा चित्त बुझाउन बाध्य भयाे । घरेलु टिम डर्टमण्डले अन्तिम समयमा पाएकाे पेनाल्टीलाइ सदुपयाेग गर्न नसक्दा बराबरीमा चित्त बुझायाे । मार्को रिउसको प्रहारलाई बार्साका गोलकिपर मार्क आन्द्रे टेर स्टेगनले असफल बनाएका थिए । बार्साका लागि लियाेनल मेस्सी मैदानमा उत्रिएपनि त्यति प्रभाव जमाउन सकेनन् । बार्साका प्रशिक्षकले मेस्सीलाइ सुरुवातमा बेन्चमा राखेर युवा खेलाडी फाटीलाइ सेटमा राखेका थिए । जसका कारण फाटीले कम उमेरमा च्याम्पियन्स लिगमा डेब्यु गरेका छन । उनी १६ बर्ष तीन सय दिनमा च्याम्पियन्स लिगमा डेब्यु गर्दै कम उमेरमा याे प्रतियाेगिता खेल्ने खेलाडी बनेका छन ।