युरोपियन च्याम्पियन्स लिग अन्तर्गत समुह चरणको खेलमा आज पेरीस सेन्ट जर्मेनले सर्वाधिक सफल क्लव रियल मड्रिडसँग खेल्दैछ । तर पिएसजीका तीन मुख्य खेलाडी भने आज मैदानमा हुने छैनन् । घरेलु मैदानमा हुने रियल विरुद्धको खेलमा नयेमार, इडिसन काभानी र केलियन एम्बाप्पे टिममा हुने छैनन् । पहिलो रोजाईका स्ट्राइकर नै टिममा नहुने भएपछि पीएसजीलाई ठुलो दबाव परेको छ । नेयमार प्रतिबन्धमा रहेका छन भने काभानी र एमबाप्पे घाइते रहेका छन । यसका साथै यसै सिजन लोनमा पीएसजी पुगेका माउरो इकार्डी पनि पुर्ण रुपमा फिट छैनन् । आजको खेलमा पूर्व स्ट्राइकर इरीक चोउपो मोटीङले खेल्ने संभावना रहेको छ । यस्तै रियल मड्रिडमा पनि केहि खेलाडी अनुपस्थित हुनेछन । जसमा पछिल्लो पटक टिमबाट बाहिर हुने खेलाडीमा मार्सेलो रहेको छन । उनी ला लिगामा लेभान्टे विरुद्धको खेलमा घाइते भएका थिए । यस्तै लुका मोड्रिच, इस्को, मार्को एसेन्सियो पनि चोटका कारण आजको खेलमा मैदानमा देखिने छैनन् । यस्तै नाचो र सर्जियो रामोस प्रतिबन्धमा रहेका छन । अब आज रियलका लागि यसै सिजन अनुबन्ध भएका स्टार खेलाडी इडेन हाजार्डको काँधमा सबै जिम्मेवारी रहेको छ । उनलाई फ्रन्टलाईमा ग्यारेथ बेलले साथ दिनेछन ।