ब्राजिलियन सुपरस्टार नेइमारले अन्तिम मिनेटमा गोल गरेपछि साविक विजेता पीएसजीले फ्रेन्च लिग वानमा ३ अंक हासिल गरेको छ । घरेलु मैदानमा स्ट्रासवर्गबिरुद्ध दवावमा आएको पीएसजीका लागि नेइमारले खेलको इन्ज्यूरी समयमा गोल गरी हार टारेका हुन् । एब्दोउ दियालोको पासमा नेइमारले सानदार एक्रोब्याटिक भली प्रहार गोलमा परिणत भएको थियो । पूर्व क्लब बार्सिलोना फर्कने सहमतिका लागि सुरुआती ४ खेलमा बेन्चमै रहेका नेइमारले जारी सिजन पहिलो लिग खेल खेलेका हुन् । त्यसैले खेलका दौरान आफ्नै समर्थकहरुले नेइमारको मजाकसमेत गरेका थिए । लिगको सुरुआती ५ खेलमा पीएसजीको १२ अंक भएको छ । उसले ४ खेल जितेको छ भने १ खेलमा पराजय ब्यहोरेको छ ।