युरो कप छनोट प्रतियोगिता अन्तर्गत समूह सीको खेलमा जर्मनीले उत्तरी आयरल्याण्डलाई हराएको छ । उत्तरी आयरल्याण्डमा भएको खेलमा जर्मनीले दोस्रो हाफमा दुई गोल गर्दै जित हात पारेको हो । जर्मनीको जितमा मार्सेल हाल्स्टेनबर्गले ४८औं मिनेटमा र सेर्जी ग्नाब्रीले इन्ज्युरी समयमा गोल गरेका थिए । जितसँगै जर्मनीले १२ अंक बनाएको छ । समान १२ अंक जोडेको आयरल्याण्ड दोस्रो तथा एक खेल कम खेल्दै ९ अंक जोडेको नेदरल्याण्ड ९ अंकसहित तेस्रो स्थानमा छ।