पोर्चुगलका कप्तान क्रिस्टियानो रोनाल्डोका बारेमा फ्रान्सको एक पत्रिकाले नाइकीसँगको सम्झौता सार्वजनिक गरेको छ । जसअनुसार रोनाल्डोले नाइकीसँगको १० बर्षको डिल मा एक सय ६२ मिलियन युरोको सम्झौता गरेको बताइएको छ । रोनाल्डोले २००४ मा पहिलो पटक नाइकीसँग सम्झौता गरेका थिए । त्यसपछि २०१६ मा नाइकीसँग आजीवन सम्झौता गरेको समाचार बाहिर आएको थियो । तर बिस्तृत बिवरण भने सार्वजनिक गरिएको थिएन । ३४ बर्षे रोनाल्डो र्फोब्समा दोस्रो मंहगो खेलाडीको सुचीमा दोस्रो स्थानमा रहेका छन । पहिलो स्थानमा लियोनल मेस्सी रहेका छन । जसले आजीवन नाइकीको प्रतिद्धन्द्धी एडिडाससँग सम्झौता गरेका छन । फ्रेन्च पत्रिका देर स्पेगेलले सार्वजनिक गरेको रिपोर्ट अनुसार पाँच पटकका बलुन डियोर अवार्ड विजेता रोनाल्डोले बर्षको १६ दशलमव दुई मिलियन युरो कमाई गर्छन । उनले यो सम्झौता २०२६ सम्मका लागि गरेका हुन । अमेरीकी कम्पनी नाइकीसँगको यो सम्झौता रोनाल्डोले २०१६ मा गरेका थिए । जसमा नाइकीले उनको तस्विरको राइट्सपनि खरिद गरेको थियो । यसका साथै रोनाल्डोलाई नाइकीले बलुन डी योर को उपाधि जितेकोमा २०१६ मा थप चार मिलियन दिएको थियो ।