युरोकप छनोट खेलमा युरोपियन पावरहाउस जर्मनी नेदरल्याण्ड्ससँग चार दुईले पराजित भएको छ । गएराति भएको समुह सी को खेलमा जर्मनी डच टिमसँग चार दुईले स्तब्ध भएको हो । त्यसो त जर्मनीले एक गोलको अग्रता जोगाउन सकेन । खेलको नौ मिनेटमा नै जर्मनीका नाब्रीले गोल गर्दै टिमलाई अग्रता दिलाएका थिए । पहिलो हाफमा एक गोलको अग्रता बनाएको जर्मनी विरुद्ध डच टिमले दोस्रो हाफमा चार गोल गर्दा उसले एक गोल मात्र फर्काउन सफल भयो । ५९ औं मिनेटमा डी जोङले गोल गरे भने ६६ औं मिनेटमा डच टिमले उपहार गोल पायो । जर्मनीका ताहले आत्मघाति गोल गर्न पुगे । त्यसपछि ७३ औं मिनेटमा डच टिमका क्रुसले आफ्नै पोष्टमा गोल गरेपछि खेल दुई दुईको बराबरीमा पुगेको थियो । ७९ औं मिनेटमा मलिनले फेरी डच टिमका लागि तेस्रो गोल गर्दा खेल तीन दुईको अवस्थामा पुग्यो । खेलको इन्जुरी समयमा नेदरल्याण्ड्सले चौथो गोल थप्यो । तर त्यसपछि जर्मन खेलमा फर्कन सकेन र पराजित भयो । जितपछि नेदरल्याण्ड्सले तीन खेलमा ६ अंक बनाएको छ भने जर्मनीको चार खेलमा नौ अंक छ । समुह सी को शिर्ष स्थानमा आयरल्याण्ड रहेको छ । उसका चार खेलमा १२ अंक छ ।