फ्रान्सका पूर्व राष्ट्रपति ज्याक चिराकको बिहीबार निधन भएको उनको पारिवारिक स्रोतले जनाएको छ । उनि ८६ बर्षको थिए । चिराक फ्रान्सको राजनीतिमा करिब तीन दशक निकै चर्चामा रहेका थिए । पेरिसको नगर प्रमुख, प्रधानमन्त्री हुँदै सन् १९९५ देखि सन् २००७ सम्म फ्रान्सको राष्ट्रप्रमुखका रूपमा उनले गरेका कामले उहाँलाई फ्रान्सेलीहरू एक कुशल राजनीतिज्ञका रूपमा चिन्ने गर्छन् । “राष्ट्रपति ज्याक चिराकको बिहान परिवारको काखमा स्वभाविक निधन भएको छ,” भूतपूर्व राष्ट्रपति चिराकका ज्वाँइ फ्रेडेरिक सलात बरोक्सले एएफपीलाई बताए । चिराकको समयमा फ्रान्सको पहलमा यूरोपमा एकल मुद्रालाई प्रचलनमा ल्याइएको थियो । उनले अमेरिकाद्वारा सन् २००३ मा इराकमा गरेको आक्रमणलाई सशक्त विरोध गरेकोले वासिङ्टनसँगको सम्बन्धमा समेत समस्या आएको थियो । एक राजनीतिक योद्धाका रूपमा फ्रान्सको राजनीतिमा छाएका चिराक सन् १९८१ र १९८८ को राष्ट्रपतीय निर्वाचनमा पराजित हुनुभए पनि सन् १९९५ मा एलिसी दरबारको नेतृत्व लिन सफल भएका थिए भने सन् २००२ मा पुनः राष्ट्रपतिमा निर्वाचित भएका थिए । उनको निधनपछि फ्रान्सका राष्ट्रपति रिचार्डले चिराकलाई फ्रान्सको इतिहासका रूपमा स्मरण गरे। (रासस÷एएफपी)