साताको पहिलो दिन आज सुनको मुल्य ११ सय रुपैयाँले बढेको छ।  नेपाल सुनचाँदी व्यवसायी महासंघका अनुसार आज सुनको मुल्य प्रति तोला ७१ हजार पुगेको छ। गत हप्ता लगातार ओरालो लागेको सुनको मुल्य यस हप्ताको पहिलो दिनमै ११ सय रुपैयाँले बढेको हो। शुक्रबार र शनिबार सुनको मुल्य प्रति तोला ६९ हजार ९०० मा कारोबार भएको थियो। संघले तेजावी सुनको भने प्रति तोला ७० हजार सात सय रुपैयाँ तय गरेको छ। त्यस्तै शुक्रबार प्रति तोला ८ सय ३५ रुपैयाँले कारोबार भएको चाँदी आइतबार ५ रुपैयाँले बढेको छ। आज चाँदीको मुल्य प्रति तोला ८ सय ४० रुपैया पुगेको छ। अघिल्लो हप्ताको प्रति तोला ७१ हजार २०० रुपैयाँले सुरुबात गरेको सुनको मुल्य शुक्रबारसम्म १३ रुपैयाँले घटेको थियो।