नेपाल र चीनबीच उच्चस्तरमा प्रतिनिधिमण्डलस्तरीय औपचारिक वार्ता प्रारम्भ भएको छ । चीनका राष्ट्रपति सी चिनफिङ र प्रधानमन्त्री केपी शर्मा ओलीले आ–आफ्नो मुलुकको प्रतिनिधित्व गर्नुभएको उक्त वार्तामा नेपाल–चीन सम्बन्धका सबै पक्षमा केन्द्रित रहेर विचार–विमर्श हुने परराष्ट्र मन्त्रालयले जनाएको छ । प्रधनमन्त्री ओली नेतृत्वको वार्तामा अर्थ, परराष्ट्र, गृह, ऊर्जा, जलस्रोत तथा सिँचाइ, संस्कृति पर्यटन तथा नागरिक उड्डयन मन्त्रालयका उच्च अधिकारी सहभागी हुनुहुन्छ भने राष्ट्रपति सी नेतृत्वको प्रतिनिधिमण्डलमा विदेशमन्त्री वाङ् यी, नेपालका लागि चिनियाँ राजदूत हउ यान्छीलगायत हुनुहुन्छ । वार्तापछि राष्ट्रपति सी र प्रधानमन्त्री ओलीको समुपस्थितिमा दुईपक्षीय सम्झौता तथा एक दर्जनभन्दा बढी समझदारीपत्रमा हस्ताक्षर हुने कार्यक्रम छ । राष्ट्रपति विद्यादेवी भण्डारीको मैत्रीपूर्ण निमन्त्रणामा जनवादी गणतन्त्र चीनका राष्ट्रपति सी शनिबार अपराह्नदेखि नेपालको दुई दिवसीय राजकीय भ्रमणमा हुनुहुन्छ । तेइस वर्षपछि चिनियाँ राष्ट्रपतिबाट नेपालको राजकीय भ्रमण भएको हो । रासस https://www.facebook.com/himaldainik/videos/443062982990959/ [caption id="attachment_75287" align="alignnone" width="500"] नेपाल–चीन उच्चस्तरीय औपचारिक वार्ताअघि आइतबार सोल्टी होटलमा राष्ट्रपति सी चिनफिङ र प्रधानमन्त्री केपी शर्मा ओली । तस्वीर ः प्रदीपराज वन्त[/caption] [caption id="attachment_75279" align="alignnone" width="900"] नेपाल–चीन उच्चस्तरीय औपचारिक वार्तामा नेपाली प्रतिनिधिमण्डल । चिनियाँ पक्षको नेतृत्व राष्ट्रपति सी चिनफिङ र नेपाली पक्षको नेतृत्व प्रधानमन्त्री केपी शर्मा ओलीले गर्नुभएको छ । तस्वीर ः प्रदीपराज वन्त[/caption]