भारतमा भएको यू–१५ साफ च्याम्पियनसिप फुटबल खेलेर नेपाली टिम फर्किएको छ । नेपाली टिमलाई आइतबार साँझ त्रिभुवन विमानस्थलमा स्वागत गरिएको थियो । भारतको कोलकतास्थित कल्याणी रंगशालामा भएको खेलमा नेपाल उप विजेतामा सिमत भएको थियो । अहिलेसम्म तीन पटक फाइनल खेले पनि नेपालले उपाधि भने जित्न सकेको छैन् । यस पटक पनि भारतसँग पराजित हुँदै उपविजेतामा सिमित भएको हो । समूह चरण र फाइनल दुवै खेलमा नेपाल भारतसँग स्तव्ध भएको थियो । समूहचरणको पहिलो खेलमा ५–० ले पराजित भएको नेपाल फाइनलमा झनै लज्जास्पद हार व्यहोर्न बाध्य बन्यो । फाइनलमा नेपाल ७–०ले पराजित भएको थियो । समूहचरणका खेलमा नेपालले श्रीलंका, बंगलादेश र भुटानलाई पराजित गर्दै फाइनलमा स्थान बनाएको थियो ।