इटालीयन सिरी ए क्लव इन्टर मिलानले म्यानचेस्टर युनाइटेडका स्ट्राइकर एलेक्सिस सान्चेजलाई लोनमा अनुबन्धका लागि राजी भएको छ । यसै सिजन युनाइटेडबाट अर्का स्ट्राइकर रोमेलु लुकाकुलाई ८० मिलियन युरोमा अनुबन्ध गरेको इन्टरले सान्चेजलाई तत्कालका लागि लोनमा लिन लागेको हो । इन्टरका प्रमुख एन्टोनीया कोन्टेले सोमबार सम्पन्न हुने युरोपियन खेलाडी किनबेचको विन्डो अगाडी सान्चेजलाई अनुबन्ध गर्ने बताएका छन । यो सिजनको अन्तिममा सान्चेजलाई इन्टरले औपचारिक रुपमा खरिद पनि गर्ने जनाएको छ । इन्टरबाट सान्चेजले साताको चार लाख पाउण्ड पाउने अपेक्षा गरेका थिए, तर त्यो रकम इन्टरको खेलाडीलाई दिने रकम भन्दा बाहिर रहेको बताउँदै साताको एक लाख ५० हजार पाउण्डको अफर गरेको थियो । तर युनाइटेडले बढि रकम मागेको थियो । जसमा दुबै क्लव विच छलफल भएको थियो । २०१८ मा आर्सनलबाट युनाइटेडमा अनुबन्ध भएका सान्चेजको वल्ड ट्राफोर्डमा १९ महिना रहँदा राम्रो प्रदर्शन गर्न सकेनन् । उनले कुल ४५ खेलमा पाँच गोल मात्र गर्न सकेन । उनले गत सिजनको प्रिमियर लिगमा एकै खेलमा दुई गोल एक पटकमात्र गर्न सफल भए ।